शान्ति प्रक्रिया टुङ्ग्याउन सबैको सहयोग आवश्यक छ: सञ्चार मन्त्री

राजनीति

गृहपृष्ठ
राजनीति
शान्ति प्रक्रिया टुङ्ग्याउन सबैको सहयोग आवश्यक छ: सञ्चार मन्त्री

शान्ति प्रक्रिया टुङ्ग्याउन सबैको सहयोग आवश्यक छ: सञ्चार मन्त्री

बुधबार, मंसिर ६, २०८० बागेश्वरी पोस्ट

फाइल फोटो

काठमाडौँ । शान्ति प्रक्रियालाई टुङ्ग्याउन सबैको सहयोग आवश्यक रहेको सञ्चार तथा सूचना प्रविधिमन्त्री रेखा शर्माले बताएकी छिन् ।

राष्ट्रिय विभूति शङ्खधर साख्वाः दिवसका अवसरमा पद्ममरतन लुमन्ति गुठीले शङ्खधर उद्यान केन्द्रमा आज आयोजना गरेको कार्यक्रममा उनले पद्मरत्न तुलाधर जीवित भएको भए शान्ति प्रक्रिया टुङ्गिसक्ने दाबी गरिन् ।

उनले परिवर्तनका लागि लड्ने नेताका रूपमा शङ्खधर साख्वाःलाई आफूले चिनेको र देशमा सङ्घीयता आउनु पनि शङ्खधरले देखेको सपना रहेको बताइन् ।

मन्त्री शर्माले सम्पूर्ण सरकारी दस्तावेजमा नेपाल संवत्लाई उल्लेख गर्ने मन्त्रिपरिषद्ले निर्णय गरेको पनि जानकारी दिइन् ।

उनले भनिन्, “बहुभाषिक, बहुजातीय, बहुसांस्कृतिक पहिचानका लगि गणतन्त्र आवश्यक छ ।”

काठमाडौँ महानगरपालिकाका उपप्रमुख सुनिता डङ्गोलले नेपाल भाषाको संरक्षण र संवर्द्धन गर्न महानगरपालिका भित्रका सबै विद्यालयमा नेपाल भाषा विषय पढाउन थालिएको जानकारी गराइन् ।

प्राथमिक तहमा पढाई हुने स्थानीय भाषाले सबै जनालाई भाषा सिक्ने अवसर प्रदान गरेको उनको भनाई थियो ।

प्रकाशित मिति: बुधबार, मंसिर ६, २०८० ११:४८