डिजिटलीकरणतर्फ अगाडि बढ्दै नेपालगञ्जको १२ नम्बर वडा

स्थानीय

गृहपृष्ठ
स्थानीय
डिजिटलीकरणतर्फ अगाडि बढ्दै नेपालगञ्जको १२ नम्बर वडा

डिजिटलीकरणतर्फ अगाडि बढ्दै नेपालगञ्जको १२ नम्बर वडा

बिहीबार, मंसिर ७, २०८० बागेश्वरी पोस्ट

नेपालगञ्ज । डिजिटलीकरणतर्फ अगाडि बढिरहेको नेपालगञ्ज उपमहानगरपालिका वडा नम्बर १२ मा वडा स्तरीय सचेतना कार्यक्रम गरिएको छ । बुधबार सार्वजनिक सेवाहरुको डिजिटलाइजेसनको लागि घर नम्बर प्रणाली, कागजात व्यवस्थापन प्रणाली तथा नेपालगञ्ज एकीकृत मोबाइल एप सम्बन्धि वडा स्तरीय पहुँच तथा सचेतना कार्यक्रम गरिएको हो ।

No description available.

नेपालगञ्ज उपमहानगरपालिका वडा नम्बर १२ ले आयोजना गरेको उक्त कार्यक्रममा टोल कमिटीका अध्यक्ष, वडा भित्रका सरोकारवाला निकायका प्रतिनिधिहरुको सहभागिता रहेको थियो । जिआइजेडको सहयोगमा सुरुआती चरणमा नेपालगञ्जका ४ वटा वडामा स्थानीय सार्वजनिक सेवाहरुको डिजिटलीकरण गरिएको छ । उक्त अनलाइन प्रणालीबाट सेवाग्राहीले घरबाटै वडा तथा नगरपालिकाको सम्पूर्ण सूचना तथा जानकारी प्राप्त गर्न सक्नेछन् । सेवा र सुविधाको जानकारी एकै ठाउँमा पाउन सक्नेछन् ।

यसैगरी जनप्रतिनिधिसँग सिधै सुझाव, जिज्ञासा तथा गुनासो राख्ने, सजिलो पहिचानको लागि प्रत्येक घरको फरक–फरक नम्बर जस्ता सुविधाहरु रहेको वडा अध्यक्ष तरण बज्राचार्यले बताए । नागरिकलाई सहजताको लागि वडाले डिजिटल प्रणालीमा जोड दिएको उनले बताए । कार्यक्रमका सहभागिहरुलाई जिआइजेढका राष्ट्रिय विज्ञ सुजित झाले सहजीकरण गरेका थिए । सुरुवाती चरणमा वडाका अगुवाहरुलाई डिजिटल सेवाहरुको बारेमा जानकारी गराउँदै क्रमशः अन्य नागरिकहरुलाई पनि यसको प्रयोगको बारेमा सिकाउँदै लग्ने योजना रहेको वडा अध्यक्ष बज्राचार्यले बताए ।

No description available.