श्रोत नखुलेको ८ लाख रुपैयाँसहित २ जना पक्राउ

सुरक्षा-अपराध

गृहपृष्ठ
सुरक्षा-अपराध
श्रोत नखुलेको ८ लाख रुपैयाँसहित २ जना पक्राउ

श्रोत नखुलेको ८ लाख रुपैयाँसहित २ जना पक्राउ

शुक्रबार, मंसिर ८, २०८० बागेश्वरी पोस्ट

नेपालगन्ज । सशस्त्र प्रहरीले स्रोत नखुलेको ८ लाख बढी रकमसहित २ जनालाई महोत्तरीबाट पक्राउ गरेको छ ।

सशस्त्र प्रहरीको नेपाल बोर्डर ओउट पोष्ट पोखरभिण्डाबाट खटिएको टोलीले भारतबाट मोटरसाइकलमा नेपाल आउँदै गरेका महोत्तरीकै सम्सी गाउँपालिका-३ का २८ वर्षीय रमेशकुमार साह र रामगोपालपुर नगरपालिका सहसौलाका ३२ वर्षीय अनिल चौधरी पक्राउ गरेको सशस्त्र प्रहरी प्रधान कार्यालयले जनाएको छ ।

बिहीवार मधेश प्रदेश ०२-००६ प-१६२१ नम्बरको मोटरसाइकलमा भारतबाट नेपालतर्फ आउँदै गर्दा चेकजाँचका क्रममा उनीहरुको साथबाट स्रोत नखुलेको ८ लाख १० हजार ९२० रुपैयाँ बरामद गरेको सशस्त्र प्रहरीले जानकारी दिएको छ ।

सशस्त्र प्रहरीले रकमसहित पक्राउ परेका उनीहरुलाई आबश्यक कारबाहीका लागी जलेश्वर भन्सार कार्यालयमा बुझाएको जनाएको छ ।

प्रकाशित मिति: शुक्रबार, मंसिर ८, २०८० ०९:४४

प्रतिक्रिया दिनुहोस्