न्यायाधीशको राय बाझिएपछि बालकृष्ण खाँणको निर्णय अर्को इजलासमा

सुरक्षा-अपराध

गृहपृष्ठ
सुरक्षा-अपराध
न्यायाधीशको राय बाझिएपछि बालकृष्ण खाँणको निर्णय अर्को इजलासमा

न्यायाधीशको राय बाझिएपछि बालकृष्ण खाँणको निर्णय अर्को इजलासमा

शुक्रबार, मंसिर १५, २०८० बागेश्वरी पोस्ट

काठमाडौं । नक्कली शरणार्थी प्रकरणमा मुछिएर पुर्पक्षका लागि थुनामा रहेका पूर्व गृहमन्त्री बालकृष्ण खाँणको राय बाझिँदा थुनामै रहने भएका छन् । उनको हकमा न्यायाधीशको राय बाझिएपछि थुनामै रहने भएका हुन् । पूर्व गृहमन्‍त्री खाणलाई थुनामा राख्ने कि धरौटीमा छाड्ने भन्ने अर्को इजलासले निर्णय गर्ने भएको छ । आज उच्च अदालत पाटनका न्यायाधीशहरू प्रकाश खरेल र जनक पाण्डेबीच राय बाझिएको हो ।

दुई न्यायाधीशले दिएको राय बाझिँदा बालकृष्ण खाण थुनामा बस्ने कि धरौटीमा छुट्ने भन्ने निर्णय हुन सकेन । त्यस्तै अदालतले भुटानी शरणार्थी नेता टेकनाथ रिजाललाई धरौटीमा छाड्न उच्च अदालत पाटनले आदेश दिएको छ । उनलाई १५ लाख रुपैयाँ धरौटीमा रिहा गर्न अदालतले आदेश दिएको हो । न्यायाधीशहरू प्रकाश खरेल र जनक पाण्डेको संयुक्त इजलासले आज रिजाललाई धरौटीमा छाड्न आदेश दिएको छ ।

उच्च अदालतले नेपाली कांग्रेसका नेताले एवं पूर्व गृहमन्त्री बालकृष्ण खाँणका स्वकीय सचिव नरेन्द्र केसीलाई १० लाख रुपैयाँमा धरौटीमा छोड्न आदेश दिएको हो । सोही प्रकरणमा थुनामा रहेका नेकपा एमालेका नेता एवं पूर्व उपप्रधानमन्त्री टोपबहादुर रायमाझीलाई अदालतले थुनामै राख्न आदेश दिएको छ । अदालतले उनका छोरा सन्दीप रायमाझीलाई ३० लाख रुपैयाँ धरौटी माग गरेको छ भने हज समितिका अध्यक्ष रहेका शमशेर मियाँलाई पनि १० लाख रुपैयाँ धरौटी मागेको छ ।

साथै रामशरण केसीसँग १५ लाख रुपैयाँ धरौटी माग गर्ने अदालतले आदेश दिएको छ । लक्ष्मी महर्जन र आशिष बुढाथोकीलाई साधारण तारेखमा छाड्न अदालतले आदेश दिएको छ । यसअघि जिल्ला अदालत काठमाडौंले महर्जनलाई पाँच लाख रुपैयाँ धरौटीमा छाड्न आदेश दिएको थियो ।

यसैगरी पूर्व गृह सचिव टेकनारायण पाण्डे, इन्द्रजित राई, सानु भण्डारी, केशव दुलाल र आङटावा शेर्पा सहित ८ जनालाई थुनामै राख्न उच्च अदालत पाटनले आदेश दिएको छ ।

प्रकाशित मिति: शुक्रबार, मंसिर १५, २०८० १६:४८

प्रतिक्रिया दिनुहोस्