स्थानीय तह संस्थागत क्षमता स्वमूल्यांकन (लिजा) बारे नेपालगञ्जमा प्रशिक्षण

स्थानीय

गृहपृष्ठ
स्थानीय
स्थानीय तह संस्थागत क्षमता स्वमूल्यांकन (लिजा) बारे नेपालगञ्जमा प्रशिक्षण

स्थानीय तह संस्थागत क्षमता स्वमूल्यांकन (लिजा) बारे नेपालगञ्जमा प्रशिक्षण

सोमबार, मंसिर १८, २०८० बागेश्वरी पोस्ट

नेपालगञ्ज । स्थानीय तह संस्थागत क्षमता स्वमूल्यांकन (लिजा) को उद्देश्य, विधि र प्रणालीबारे आजदेखि नेपालगञ्जमा प्रशिक्षण सुरु भएको छ । नेपालगञ्ज उपमहानगरपालिकाको आयोजनामा सुरु भएको दुई दिने प्रशिक्षण कार्यक्रममा पहिलो दिन कर्मचारी र दोस्रो दिन जनप्रतिनिधिलाई अनुशिक्षण गर्ने उद्देश्य रहेको नेपालगञ्ज उपमहानगरपालिकाका लिजा फोकल पर्सन प्रविन रानाले बताए ।

No description available.

प्रदेश सुशासन केन्द्रको सहजीकरणमा आयोजित प्रशिक्षण कार्यक्रममा केन्द्रका क्षमता विकास विज्ञ बलराम शर्माले सहजीकरण गरेका छन् । शर्माले डकुमेन्टेशन राम्रोसंग नगर्दा लिजामा अपेक्षित सुधार हुन नसकिरहेको बताए । सुशासन प्रबद्र्धन र नागरिकमैत्री सेवा प्रवाहमा लिजाको महत्वपूर्ण भूमिका हुने भन्दै शर्माले कर्मचारी र जनप्रतिनिधि प्रतिबद्ध बन्नुपर्नेमा जोड दिए ।

No description available.

नेपालगञ्ज उपमहानगरपालिकाका प्रमुख प्रशासकीय अधिकृत ओमबहादुर खड्काले प्रशिक्षण कार्यक्रम पश्चात् डकुमेन्टेशनको काम चुस्त दुरुस्त हुने विश्वास व्यक्त गरे । नेपालगञ्ज उपमहानगरपालिकाले लिजामा क्रमिक सुधार गरिरहेको देखिएको छ । आर्थिक बर्ष २०७६/७७ मा ४५.५ अंक हासिल भएकोमा २०७७/७८ मा ४८.५ र गत आर्थिक बर्षमा ५२ अंक हासिल भएको फोकल पर्सन रानाले जानकारी दिए ।

हरेक बर्ष सरकारी निकायले आफ्नो स्वमूल्यांकन गर्नुपर्ने प्रावधान अनुरुल १०० अंकभारमा १०० सूचकका आधारमा मूल्यांकन गर्ने गर्दछन् ।

No description available.