जानकीमा गाउँपालिकाबाटै सामाजिक सुरक्षा भत्ता वितरण शुरु

स्थानीय

गृहपृष्ठ
स्थानीय
जानकीमा गाउँपालिकाबाटै सामाजिक सुरक्षा भत्ता वितरण शुरु

जानकीमा गाउँपालिकाबाटै सामाजिक सुरक्षा भत्ता वितरण शुरु

शनिबार, मंसिर २३, २०८० बागेश्वरी पोस्ट

रबिन्द्र घिमिरे / जानकी (बाँके) । जानकी गाउँपालिकाले जेष्ठ तथा अशक्त नागरिकहरुलाई गाउँपालिकाबाटै सामाजिक सुरक्षा भत्ता वितरण शुरु गरेको छ । यसअघि सामाजिक सुरक्षा भत्ता लिनका लागि जेष्ठ तथा अशक्त नागरिकहरुलाई नेपालगन्ज बजारमा रहेको मुक्तिनाथ र सांग्रिला बैंकमा जानुपर्ने वाध्यता थियो । गाउँपालिकाबाटै सामाजिक सुरक्षा भत्ता वितरण शुरु गरेपछि स्थानीयलाई सहज भएको छ ।

गाउँपालिकाबाट नेपालगन्ज सामाजिक सुरक्षा भत्ता लिन जानुपर्ने वाध्यताका कारण जेष्ठ नागरिकहरुले विभिन्न किसिमका सास्ती भोग्दै आएका थिए । गाउँपालिकाबाटै सामाजिक सुरक्षा भत्ता वितरण शुरु भएपछि विहानैदेखि भोक-प्यासै घन्टौंसम्म लाइनमा उभिनुपर्ने वाध्यताको अन्त्य भएको छ । पहिले नेपालगन्ज जानुपर्ने वाध्यता रहेको जेष्ठ नागरिकहरु बताउँछन् । नेपालगन्ज जाँदा आउँदाको समस्या र भाडाको खर्चको अन्त्य भएपछि उनीहरु खुसी छन् । अहिले गाउँपालिकाले कार्यालयबाट भत्ता वितरण सेवा दिएपछि आफूहरुलाई सहज भएको रामबहादुर शाहीले बताए । गाउँपालिकाले वृद्धहरुको समस्यालाई हेरी भत्ता घरैसम्म पुरयाईदिने व्यवस्था गरिदिए झनै राम्रो हुने सेरे विकको भनाई छ । रंगिलाल जेष्ठ र हरिदेवी सुनारले पनि घर आंगनबाटै भत्ता पाएको भन्दै खुसी ब्यक्त गरे ।

बृद्धबृद्धा तथा अपाङ्गहरुको समस्यालाई मध्यनजर गरी सामाजिक सुरक्षा भत्ता वितरण कार्य गाउँपालिकाबाटै सुरु गरेको प्रमुख प्रशासकीय अधिकृत दिलवहादुर पौडेलले बताए ।एनआइसी एसिया बैंक र कुमारी बैंकलाई सामाजिक सुरक्षा भत्ता वितरण गर्ने गरी जिम्मेवारी दिइएको प्रमुख प्रशासकीय अधिकृत पौडेलको भनाई छ ।

प्रकाशित मिति: शनिबार, मंसिर २३, २०८० १२:०२

प्रतिक्रिया दिनुहोस्