बाँकेमा पाँच महिनामा विपदजन्य घटनामा १७ जनाको ज्यान गयो

स्थानीय

गृहपृष्ठ
स्थानीय
बाँकेमा पाँच महिनामा विपदजन्य घटनामा १७ जनाको ज्यान गयो

बाँकेमा पाँच महिनामा विपदजन्य घटनामा १७ जनाको ज्यान गयो

बुधबार, मंसिर २७, २०८० बागेश्वरी पोस्ट

नेपालगञ्ज । बाँकेमा पाँच महिनाको अवधिमा १०३ वटा विपदका घटना भएका छन् । चालू आर्थिक बर्षको श्रावणदेखि हालसम्म १०३ वटा घटना हुँदा १७ जनाले ज्यान गुमाएको जिल्ला विपद व्यवस्थापन समिति बाँकेले जनाएको छ । यी घटनाहरुमा २२ जना घाइते भएको तथ्यांक छ ।

करेन्ट लागेर, पानीमा डुबेर र सडक दुर्घटनामा परेर १७ जनाको मृत्यु हुँदा २२ जना घाइते भएका हुन् । प्रमुख जिल्ला अधिकारी श्रवणकुमार पोखरेलका अनुसार पाँच महिनाको अवधिमा जिल्लाभर आगलागीका ३४, बाढी/डुबान २१, हावाहुरी ८, करेन्ट ८, पानीमा डुबान ७ र सडक दुर्घटनाका २५ वटा घटना भएका छन् । करेन्ट लागेर ६ जना, पानीमा डुबेर ४ जना र सडक दुर्घटनामा ७ जनाले ज्यान गुमाएको तथ्यांक छ ।

आगलागीका ३४ वटा घटना हुँदा ३४ वटै घरमा क्षती पुगेको छ भने हावाहुरीबाट ८ घर पूर्णरुपमा क्षतीग्रस्त भएका छन् । विपदबाट ४४ लाख ५२ हजार २ सय रुपैयाँ बराबरको क्षती भएको जिल्ला विपद व्यवस्थापन समितिले जनाएको छ । सबैभन्दा बढी भौतिक क्षती आगलागीबाट भएको छ ।विपदबाट प्रभावित ३३ घरपरिवारलाई ४ लाख ८६ हजार बराबरको राहत प्रदान गरिएको प्रमुख जिल्ला अधिकारी पोखरेलले जानकारी दिए ।

जिल्ला विपद व्यवस्थापन समितिको आज बसेको वैठकमा प्रमुख जिल्ला अधिकारी पोखरेलले उक्त तथ्यांक प्रस्तुत गरेका हुन् ।

प्रकाशित मिति: बुधबार, मंसिर २७, २०८० १८:२९