बालकृष्ण खाँणको निवेदन न्यायाधीश कोइरालाको इजलासमा

राजनीति

गृहपृष्ठ
राजनीति
बालकृष्ण खाँणको निवेदन न्यायाधीश कोइरालाको इजलासमा

बालकृष्ण खाँणको निवेदन न्यायाधीश कोइरालाको इजलासमा

बिहीबार, मंसिर २८, २०८० बागेश्वरी पोस्ट

काठमाडौँ । नक्कली भुटानी शरणार्थी प्रकरण मुद्दामा नेपाली कांग्रेसका नेता एवं पूर्व गृहमन्त्री बालकृष्ण खाँणको सुनुवाइ आज हुँदैछ ।

यसअघिको आदेशमा दुई न्यायाधीश राय बाझिएको विषयमा उच्च अदालत पाटनले आज सुनुवाई गर्दैछ । आज न्यायाधीश कृष्णराज कोइरालाको एकल इजलासमा खाँणको सुनुवाई हुँदैछ । न्यायाधीश कोइरालाको इजलास सकिएपछि उनी थुनामुक्त हुन्छन् वा हुँदैनन् भन्ने कौतुहलता बढेको छ ।

खाँणको हकमा ३० लाख रुपैयाँ लिएर थुनामुक्त गर्ने कि थुनामै पठाउने भन्ने विषयमा दुई न्यायाधीश बीचमा राय बाझिएपछि आज पेशी तोकिएको र आजै सुनुवाई हुने भएपछि कौतुहलता बढेको हो ।

दुई जना न्यायाधीश जनक पाण्डे र प्रकाश खरेलको संयुक्त इजलासमा राय बाझिएको थियो ।

नक्कली शरणार्थी प्रकरणमा मुछिएका पूर्व गृहमन्त्री बालकृष्ण खाँणले दिएको निवेदनमाथि उच्च अदालत पाटनमा आज सुनुवाई हुने भएको छ ।

यसअघि अरुका हकमा राय मिलेको भए पनि खाँणको हकमा दुई न्यायाधीशबीच राय बाझिएकाले तेस्रो न्यायाधीशकोमा पेश हुन लागेको हो ।

कुन न्यायाधीशको इजलासमा सुनुवाई हुन्छ भन्ने कुरा अहिले नै टुंगो लागिसकेको छैन । आज कार्यालय समय सुरु भएपछि गोला प्रक्रियाबाट मात्रै इजलास टुंगो लगाइनेछ ।

आज सुनुवाई गर्नेले यसअघिका दुई मध्ये जुन न्यायाधीशको राय समर्थन गर्छन्, त्यही आदेश कार्यान्वयन हुन्छ ।

उनीहरुको राय बाझिएपछि खाँण थुनामुक्त हुन सकेका छैनन् । उनले आफू निर्दोष भएको दाबी गर्दै आए पनि राय बाझिएपछि थुनामुक्त हुन नसकेका हुन् ।

प्रकाशित मिति: बिहीबार, मंसिर २८, २०८० ११:४३

प्रतिक्रिया दिनुहोस्