उपमेयर चढ्ने जिपमा आगजनी

सुरक्षा-अपराध

गृहपृष्ठ
सुरक्षा-अपराध
उपमेयर चढ्ने जिपमा आगजनी

उपमेयर चढ्ने जिपमा आगजनी

आइतबार, पुस ८, २०८० बागेश्वरी पोस्ट

नेपालगन्ज । उपमेयर रेनुकुमारी महतो सवार हुने प्र २-००२-०००१ झ ०००५ नम्बरको जिपमा आगजानी गरिएको छ ।

महोत्तरीस्थित गौशाला नगरपालिकाका उपमेयर महतो चढ्ने जिपमा गएराति २ बजेतिर गौशाला-१ रामनगरमा घरको गेट नजिक पार्किङ गरेर राखिएको उक्त जिपमा अज्ञात व्यक्ति पेट्रोल छर्केर आगजनी गरेको प्रहरीले जनाएको छ ।

ती अज्ञात व्यक्तिले जिपमा आगजनी गरेको तुरुन्तै घर-परिवारले थाहा पाएपछि स्थानीय र परिवारले जिपमा लगाएको आगो निभाएका हुन् । आगजनी गरेको केहीबेरमै थाहा पाएका कारण ठूलो क्षति हुनबाट जोगिएको प्रहरीले जानकारी दिएको छ ।

महोत्तरी प्रहरीले घटनास्थलबाट पेट्रोल राखिएको २ लिटरको बोतल बरामद गरेको छ भने घटनाबारे अनुसन्धान थालिएको जनाएको छ ।