एमालेका लक्ष्मी महतो कोइरीको सांसद पद निलम्बन फुकुवा

राजनीति

गृहपृष्ठ
राजनीति
एमालेका लक्ष्मी महतो कोइरीको सांसद पद निलम्बन फुकुवा

एमालेका लक्ष्मी महतो कोइरीको सांसद पद निलम्बन फुकुवा

आइतबार, पुस ८, २०८० बागेश्वरी पोस्ट

काठमाडौं । हत्या अभियोगमा निलम्बनमा परेका नेकपा एमालेबाट निर्वाचित सांसद लक्ष्मी महतो कोइरीको निलम्बन फुकुवा भएको छ ।

२०७९ को मंसिर ४ गतेको निर्वाचनमा महोत्तरी १ बाट प्रतिनिधि सभा सदस्यमा निर्वाचित कोइरीलाई २०७७ सालमा उच्च अदालत जनकपुरले सशस्त्र प्रहरीका सशस्त्र प्रहरी सहायक निरीक्षक थमन बिकको हत्या अभियोग लगाएको थियो।

उच्च अदालतले हत्या अभियोगमा पुर्पक्षका लागि जेल चलान गर्नुपर्ने सजाय सुनाएदेखि फरार रहेका कोइरी १९ वैशाख २०८० मा निलम्बनमा परेका थिए। आज उनको निलम्बन फुकवा भएको हो ।

निर्वाचित भएपछि संसद बैठकमा सहभागी हुँदै आएका उनलाई फरार सूचीमा रहेको भनी प्रश्न उठेपछि एकाएक सम्पर्कबिहीन भएका थिए ।

गत २९ मंसिरमा जिल्ला अदालत महोतरीले सफाइ दिएपछि कोइरीले निलम्बन फुकुवाको लागि निवेदन दिए पश्चात् सभामुख देवराज घिमिरेले निलम्बन फुकुवाकि पत्र दिएका हुन् ।

प्रकाशित मिति: आइतबार, पुस ८, २०८० १८:२६