पूर्व डीआईजी महेशविक्रम शाह भ्रष्टाचार मुद्दामा दोषी ठहर

सुरक्षा-अपराध

गृहपृष्ठ
सुरक्षा-अपराध
पूर्व डीआईजी महेशविक्रम शाह भ्रष्टाचार मुद्दामा दोषी ठहर

पूर्व डीआईजी महेशविक्रम शाह भ्रष्टाचार मुद्दामा दोषी ठहर

बिहीबार, पुस १२, २०८० बागेश्वरी पोस्ट

काठमाडौं । नेपाल प्रहरीका पूर्व डीआईजी महेशविक्रम शाहलाई विशेष अदालतले भ्रष्टाचार मुद्दामा दोषी ठहर गरेको छ ।

अदालतले शाहसहित पूर्व सई दिपेन्द्रप्रसाद पनेरुलाई पनि भ्रष्टाचार मुद्दामा दोषी ठहर गरेको हो ।

अदालतका न्यायाधीशहरू अध्यक्ष टेकनारायण कुँवर, सदस्यद्वय तेजनारायण सिंह राई र रितेन्द्र थापाको इजलासले पूर्व डीआईजी शाहसहित पनेरुले मध्य क्षेत्रीय प्रहरी तालिम केन्द्र दुधौलीमा कार्यरत रहँदा ३३ लाख ३८ हजार रुपैयाँ अनियमितता गरेको ठहर गरेको हो ।

विशेष अदालतले आरोप लागेका प्रहरी हवल्दार केशवसिंह ऐरी र लेखापाल सञ्जीव विशुंखेले सफाइ दिएको छ ।

अख्तियार दुरूपयोग अनुसन्धान आयोगले २०७६ फागुन २० गते पूर्व डीआईजी शाह, पूर्व सई पनेरू, प्रहरी हवल्दार ऐरी र लेखापाल विशुंखेविरूद्ध मुद्दा दायर गरेको थियो ।

उनीहरुलाई ३ वर्षभन्दा माथि कैद सजाय हुने निश्चित जस्तै भएको छ । ३ वर्षभन्दा बढी सजाय हुने मुद्दामा सजाय निर्धारणका लागि छुट्टै सुनुवाइ गर्नुपर्ने व्यवस्था भएकाले आगामी २५ पुसमा पेशी तोकिएको छ ।

प्रकाशित मिति: बिहीबार, पुस १२, २०८० ०७:४५

प्रतिक्रिया दिनुहोस्