ललितपुरको बालकुमारी घटना: गोली हान्न आदेश दिने डीएसपी निलम्बित

सुरक्षा-अपराध

गृहपृष्ठ
सुरक्षा-अपराध
ललितपुरको बालकुमारी घटना: गोली हान्न आदेश दिने डीएसपी निलम्बित

ललितपुरको बालकुमारी घटना: गोली हान्न आदेश दिने डीएसपी निलम्बित

सिडिओ मन्त्रालय र एसएसपी हेडक्वार्टर तानिए

शनिबार, पुस १४, २०८० बागेश्वरी पोस्ट

काठमाडौं । ललितपुरको बालकुमारीमा शुक्रबार आन्दोलनका क्रममा फिल्डमा खटिएर गोली हान्न आदेश दिने प्रहरी नायब उपरीक्षक (डीएसपी) निलम्बनमा परेका छन् ।

सरकारले डीएसपी उमेश जोशी र भौतिक पूर्वाधार तथा यातायात मन्त्री प्रकाश ज्वालाका पिएसओ भोजराज दनुवारलाई निलम्बन गर्ने निर्णय गरेको हो।

आज बिहान प्रधानमन्त्री निवास बालुवाटारमा प्रधानमन्त्री पुष्पकमल दाहाल प्रचण्ड र गृहमन्त्रीसहित सुरक्षा प्रमुखहरुको बैठकपछि गृहमन्त्री नारायणकाजी श्रेष्ठले उनीहरुलाई निलम्बन गरेका हुन् ।

ललितपुरका प्रहरी प्रमुख एसएसपी शिद्धिविक्रम शाह प्रहरी हेडक्वार्टर नक्साल र ललितपुरका सिडिओ रूद्रप्रसाद पण्डित गृह मन्त्रालय तानिएका छन् ।

यस्तै इपीएस शाखाका निर्देशक गुरुदत्त सुवेदीको पनि सरकारले सरुवा गर्ने निर्णय गरेको छ ।

सरकारले बालकुमारीमा ज्यान गुमाएका युवकका पीडित परिवारलाई १०-१० लाख रुपैयाँ सहयोग गर्ने निर्णय गरेको छ ।

आन्दोलनका क्रममा प्रहरीको गोली लागेर मारिएका २२ वर्षीय वीरेन्द्र शाह र प्रहरीको कुटपिटबाट मृत्यु भएका २३ वर्षीय सुजन रावतको शवलाई सरकारले नै उनीहरुको घरसम्म पुर्‍याइदिने निर्णय गरेको छ ।

प्रकाशित मिति: शनिबार, पुस १४, २०८० १४:१४

प्रतिक्रिया दिनुहोस्