डुडुवा गाउँपालिकाद्वारा गाउँमै सामाजिक सुरक्षा भत्ता विरतण सुरु

स्थानीय

गृहपृष्ठ
स्थानीय
डुडुवा गाउँपालिकाद्वारा गाउँमै सामाजिक सुरक्षा भत्ता विरतण सुरु

डुडुवा गाउँपालिकाद्वारा गाउँमै सामाजिक सुरक्षा भत्ता विरतण सुरु

सोमबार, पुस १६, २०८० बागेश्वरी पोस्ट

डुडुवा (बाँके) । बाँकेको डुडुवा गाउँपालिकाले सामाजिक सुरक्षा भत्ता वितरण सुरु गरेको छ । आर्थिक बर्ष २०८०-०८१ को प्रथम त्रैमासिक अन्तर्गत साउनदेखि असोजसम्मको भत्ता वितरण गर्न थालिएको हो ।

गाउँपालिकाको वडा नं.२ बेतहनीबाट आजदेखि भत्ता वितरण शुरु गरिएको छ । गाउँपालिका अध्यक्ष नरेन्द्रकुमार चौधरीले वडा नं. २ का जेष्ठ नागरिकलाई रकम हस्तान्तरण गर्दै सुरक्षा भत्ता वितरणको शुभारम्भ गरेका हुन् ।

भत्ता विरतण कार्यको शुभारम्भ गर्दै अध्यक्ष चौधरीले चिसोको मौसममा नागरिकलाई सहजताका लागि यस वर्ष बैंकका कर्मचारीहरु वडा वडामा पुगेर भत्ता वितरणको कार्य सुरु गरिएकोे बताए । अध्यक्ष चौधरीले भत्ता वितरण प्रक्रियामा बैंकिङ लगायत प्राविधिक समस्याले स्थानीयको घर-घरमै पुगेर वितरण गर्न नसक्नु दु:खद भएको भन्दै त्यसको विकल्पमा बैंकलाई वडा (गाउँस्तर) मै बोलाएर वितरण गर्न लागेको बताए ।

भत्ता वितरण कार्यक्रममा पालिकाका उपाध्यक्ष शाहिदा बानो, २ नं.का वडा अध्यक्ष दुर्गाप्रसाद बर्मा लगायतको उपस्थिति रहेको थियो । वडा नं. २ अन्तर्गत प्रहरी चौकीमा आज भत्ता वितरण गर्न सुरु गरिएको पालिकाका एमआइएस अपरेटर कौशलकुमार कैराँतीले बताए । उनका अनुसार पालिकाले भत्ताको रकम इएफटी प्रणालीको समस्याका कारण खातामा रकम जम्मा नभएकाले पहिलो त्रैमासिकको रकम वितरण गर्न लागिएको र यो रकमपछि वितरण हुनेछ ।

गाउँपालिकामा पहिलो त्रैमासिकका लागि ४ हजार तीन सय ३८ जनालाई सामाजिक सुरक्षा भत्ता वितरण गरिने पालिकका वडा सचिव शिवकुमार मौर्यले बताए ।

वडा सचिव मौर्यका अनुसार ६८ वर्ष पुगेका जेष्ठ नागरिकलाई प्रति महिना र ४ हजार रुपैयाँ, ६० वर्ष पुगेका जेष्ठ नागरिक दलित, ६० वर्ष पुगेका जेष्ठ नागरिक एकल, विधुवा आर्थिक सहायतालाई प्रति महिना २ हजार ६ सय ६० रुपैयाँ, पूर्ण अपागंता भएका व्यक्ति (क) वर्गलाई प्रति महिना ३ हजार ९ सय ९० रुपैयाँ, अपांगता भएका व्यक्ति (ख) वर्गलाई प्रति महिना २ हजार १ सय २८ रुपैयाँ र जन्मेदेखि ५ वर्ष मुनिका दलित बालबालिकालाई प्रतिमहिना ५ सय ३२ रुपैयाँका दरले रकम वितरण गरिनेछ ।

प्रकाशित मिति: सोमबार, पुस १६, २०८० १६:२४