नेपालगन्ज-कोहलपुर सडक अवरुद्ध

स्थानीय

गृहपृष्ठ
स्थानीय
नेपालगन्ज-कोहलपुर सडक अवरुद्ध

नेपालगन्ज-कोहलपुर सडक अवरुद्ध

बिहीबार, पुस १९, २०८० बागेश्वरी पोस्ट

नेपालगन्ज । नेपालगन्ज-कोहलपुर सडकखण्ड अवरुद्ध भएको छ । नेपालगन्जको कारकाँदोमा पुस १५ गते राती स्कारपियोको ठक्करबाट दुई जनाको मृत्यु भएको घटनामा प्रहरी प्रशासनले तदारुकताका साथ काम नगरेको भन्दै मृतकका आफन्तजनले सडक अवरुद्ध पारेका हुन् । मृतकका आफन्तले अहिले टायर बालेर सडकमा प्रदर्शन गरिरहेका छन् । मध्यान्हदेखि सडक अबरुद्ध छ ।

नेपालगञ्ज–१८ कारकाँदोमा सूदुरपश्चिम ०१००१ च ३४६४ नम्बरको स्कर्पियोले ठक्कर दिँदा २४ वर्षीया आस्था शाह र बर्दियाको राजापुर नगरपालिका–१० का २५ वर्षीय मायाराम थारुको मृत्यु भएको थियो । उक्त दुर्घटनामा परी नेपालगञ्ज–१३ की २५ वर्षीया साहाना शाह घाइते भएकी थिइन् । उनी उपचाररत छिन् । चालक कैलाली लम्किचुहाका रामराज जैसीलाई प्रहरीले नियन्त्रणमा लिइसकेको छ ।

प्रकाशित मिति: बिहीबार, पुस १९, २०८० १४:११

प्रतिक्रिया दिनुहोस्