इ–रिक्सा व्यवस्थापनमा प्रतिबद्ध छौं, अवैधलाई प्रतिबन्ध गर्छौंः प्रशान्त विष्ट

स्थानीय

गृहपृष्ठ
स्थानीय
इ–रिक्सा व्यवस्थापनमा प्रतिबद्ध छौं, अवैधलाई प्रतिबन्ध गर्छौंः प्रशान्त विष्ट

इ–रिक्सा व्यवस्थापनमा प्रतिबद्ध छौं, अवैधलाई प्रतिबन्ध गर्छौंः प्रशान्त विष्ट

बुधबार, पुस २५, २०८० बागेश्वरी पोस्ट

नेपालगञ्ज । नेपालगञ्ज उपमहानगरपालिकाका प्रमुख प्रशान्त विष्टले इ–रिक्सा व्यवस्थापनमा प्रतिबद्ध भएर लागेको बताएका छन् । आज नेपालगञ्जमा पत्रकार सम्मेलन गर्दै नगर प्रमुख विष्टले पूर्ण अवैध इ–रिक्सा गुड्न प्रतिबन्ध लगाउने बताए । नेपालगञ्जको सडकको मुख्य समस्या बनिरहेको इ–रिक्सा व्यवस्थापनका लागि निर्वाचित भएर आएदेखि नै दत्तचित्त भएर लागेको बताउँदै उनले सडक अस्तब्यस्त हुने, दुर्घटना बढ्ने, नियम कानुन विपरीत चलेका इ–रिक्सालाई नियमन गर्न गाह्रो हुने देखेर नेपालगञ्ज नगरमा आवश्यकता भन्दा धेरै इ–रिक्सा गुडिरहेको यथार्थलाई मनन गर्दै व्यवस्थापनमा जुटेको प्रष्ट पारे ।

May be an image of 3 people and text

आवश्यक प्रक्रिया नपु¥याएर नगरमा जथाभावी गुडिरहेका इ–रिक्साहरुको प्रभावकारी नियमनका लागि लामो समयदेखि काम हुँदै आएको उनको भनाई छ । "सबै सरोकारवालाहरुसंग पटक–पटक भएका छलफल र निष्कर्षपछि तय गरिएको कार्ययोजना अनुरुप हामी इ–रिक्सा व्यवस्थापनमा लागेका हौं," उनले भने-"जिल्ला प्रशासन, यातायात कार्यालय, प्रहरी, ट्राफिक प्रहरी, इ–रिक्सा सम्बद्ध संघसंस्थाका प्रतिनिधि लगायतसंग घनिभूत छलफल गरेर व्यवस्थापन र नियमनको मार्ग तय गरेका हौं । नगरमा अवैध तरिकाले गुडिरहेका इ–रिक्सालाई प्रक्रियामा ल्याउन चरण–चरणमा समय दिएका छौं ।" अद्यावधिक नभएका इ–रिक्सालाई अद्यावधिक गर्न, यातायात कार्यालयमा दर्ता गरी नेपालगञ्ज उपमहानगरपालिकामा सूचीकृत हुन पनि थुप्रै पटक सार्वजनिक सूचना जारी गरेको उनले बताए ।

नेपालगञ्ज उपमहानगरपालिकाले प्रक्रिया नपु¥याएर चलिरहेका इ–रिक्सा मंसिर १९ गतेदेखि नियन्त्रणमा लिन सुरु गरेको हो । इ–रिक्सा नियन्त्रणमा लिन सुरु गर्नुअघि पटक–पटक प्रक्रिया पु¥याउन आग्रह गरिएको थियो । नियन्त्रणमा लिइसकेपछि पनि १५ दिने सूचना जारी गरेर इ–रिक्सा अद्यावधिक गर्न समय दिइएको उनको भनाई छ । "कुनै पनि कोणबाट वैधानिक सावित नहुने केही इ–रिक्सालाई हामीले पुनः प्रयोग गर्न नमिल्ने गरी स्क्र्याच गरेर (नष्ट) सम्बन्धित इ–रिक्सा चालक/धनीलाई फिर्ता दिएका छौं । इ–रिक्सामा लागेका ब्याट्री फिर्ता गरिदिएका छौं," उनले भने-"कुनै पनि किसिमले वैध सावित नहुने भागहरु कवाडमा विक्रिी गर्न सक्ने गरी सम्बन्धित व्यक्तिलाई बुझाइदिएका छौं । आवश्यक कागजात नभएका इ–रिक्साको प्राविधिक जाँच समेत गरेका छौं ।" उनका अनुसार यातायात कार्यालयका प्राविधिकमार्फत इ–रिक्सा धनी/चालककै अगाडि कागजात अद्यावधिक भए/नभएका, चेसिज नम्बर मिले/नमिलेको वा भए/नभएको प्राविधिक जाँच भएको छ ।

May be an image of 6 people, television and crowd

इ–रिक्सा नियन्त्रण अभियान चलिसकेपछि नेपालगञ्ज उपमहानगरपालिकाले हालसम्म ६३१ वटा इ–रिक्सा नियन्त्रणमा लिइएको छ । ती मध्ये आवश्यक कागजात र प्रक्रिया पु¥याएपछि ५५५ इ–रिक्सा फिर्ता भएका छन् । अब अझै ७६ वटा इ–रिक्सा नियन्त्रणमै छन् । ती मध्ये केही इ–रिक्सा पूर्णरुपमा अवैध रहेको नगर प्रमुख विष्टको भनाई छ । "चेसिज नभएका, वेल्डिङ गरेका, भन्सारको कागजात नभएका, बिलविजक नभएका, कहिँकतैबाट वैध सावित नहुने ती इ–रिक्सा पुनः प्रयोग नगर्ने गरी फिर्ता गर्दैछौं । इ–रिक्सा व्यवस्थापन अभियानमा लागेको नेपालगञ्ज उपमहानगरपालिकाले सबैको सहयोग, सहकार्य र समन्वयको अपेक्षा गरेको छ," उनले भने । पत्रकार सम्मेलनमा नगर उपप्रमुख कमरुद्दिन राई र नगर प्रबक्ता प्रमोद रिजाल पनि उपस्थित थिए ।

May be an image of text