त्रिभुवन अन्तर्राष्ट्रिय विमानस्थल भन्सारमा चेकजाँचको जिम्मा सशस्त्र प्रहरीलाई

सुरक्षा-अपराध

गृहपृष्ठ
सुरक्षा-अपराध
त्रिभुवन अन्तर्राष्ट्रिय विमानस्थल भन्सारमा चेकजाँचको जिम्मा सशस्त्र प्रहरीलाई

त्रिभुवन अन्तर्राष्ट्रिय विमानस्थल भन्सारमा चेकजाँचको जिम्मा सशस्त्र प्रहरीलाई

बुधबार, माघ ३, २०८० बागेश्वरी पोस्ट

काठमाडौँ । त्रिभुवन अन्तर्राष्ट्रिय विमानस्थल भन्सारमा सशस्त्र प्रहरी परिचालन भएको छ ।

त्रिभुवन अन्तर्राष्ट्रिय विमानस्थल भन्सार कार्यालयको नेतृत्व र निर्देशनमा सोमबारदेखि सशस्त्र प्रहरीलाई भन्सार क्षेत्रमा चेकजाँचका लागि परिचालन गरिएको हो ।

त्रिभुवन अन्तर्राष्ट्रिय विमानस्थलबाट पटकपटक अवैध सामग्री भित्र्याउन थालिएपछि भन्सारको सुरक्षालाई थप बजबुत बनाउन सशस्त्र प्रहरीलाई चेकजाँचका लागि परिचालन गरिएको हो ।

विमानस्थल भन्सारमा सशस्त्र प्रहरी पुगेपछि भन्सारलाई त्रुटि रहित बनाउनका लागि सशस्त्र प्रहरी बललाई सहयोगीका रुपमा राखिएको हो ।

त्रिभुवन अन्तर्राष्ट्रिय विमानस्थल भन्सारबाट करोडौं रुपैयाँको अवैध सामग्री पास हुन थालेपछि उपप्रधान तथा गृहमन्त्री नारायणकाजी श्रेष्ठले गत पुस २६ गते त्रिभुवन विमानस्थल भन्सारको चेकजाँचका लागि सशस्त्र प्रहरी परिचालन गर्ने निर्णय गरेका हुन् ।

प्रकाशित मिति: बुधबार, माघ ३, २०८० ०७:४९

प्रतिक्रिया दिनुहोस्