कहाँ हराए त्रिशूलीमा खसेको भारतीय बोलेरोका चालक ?

सुरक्षा-अपराध

गृहपृष्ठ
सुरक्षा-अपराध
कहाँ हराए त्रिशूलीमा खसेको भारतीय बोलेरोका चालक ?

कहाँ हराए त्रिशूलीमा खसेको भारतीय बोलेरोका चालक ?

बुधबार, माघ ३, २०८० बागेश्वरी पोस्ट

चितवन । सशस्त्र प्रहरीको गोताखोर टोलीले त्रिशूली नदीमा डुबेको अवस्थामा मंगलबार बिहान फेला पारेको भारतीय नम्बर प्लेटको बीआर ०९ जी सी १४३० बोलेरो जीप कसको हो भन्ने अझै पत्ता लाग्न सकेको छैन ।

भारतीय नम्बर प्लेटको उक्त बोलेरो जीप ‘कहाँबाट कहाँ जाँदै थियो’ भन्नेबारे अहिलेसम्म खुलेको छैन । जीपको नम्बरको आधारमा ‘इन्ट्री प्वाइन्ट’ पत्ता लगाउने प्रयास भइरहेको जिल्ला प्रहरी कार्यालय चितवनले जानकारी दिएको छ । भारतीय नम्बरको सवारी–साधन नेपाल आउँदा प्रवेश अनुमति लिएर रसिद काटेर आउनुपर्छ । तर, अझ उक्त जीपको बरेमा केही पत्ता लाग्न सकेको छैन ।

मंगलबार एकाबिहानै पानीले भिजेको एक जना युवक जीप खसेको स्थान नजिक ३ नम्बर पुलबाट भरतपुरतर्फ जाने गाडीमा चढेर गएको एक जना ट्याङ्कर चालकले प्रहरीलाई बताएका थिए । चितवन प्रहरीका अनुसार ट्याङ्कर चालकले बताए अनुसार उनी चालक हुन वा होइनन् त्यो बारेमा केही जानकारी फेला परेको छैन । ती व्यक्ति सम्पर्कमा आएका छैनन् ।

स्थानीयहरुले नदीमा बत्ती बलेको देखेपछि बिहान ४ बजेर ५० मिनेटमा दुर्घटनाबारे प्रहरीलाई खबर गरेका हुन् । तत्कालै बत्ती बलिरहेको स्थानमा सशस्त्र प्रहरी बल विपद् व्यवस्थापन तालिम शिक्षालय कुरिनटारबाट इन्स्पेक्टरको कमान्डमा ७ जना गोताखोरको टोलीले खोजतलास गर्दा भारतीय जीप फेला पारेको हो ।

भारतबाट नेपाल प्रवेश गर्दा भारतीय सवारीसाधनले सीमामा अनिवार्य भन्सार पास र यातायातमा पटके बनाएर आउनुपर्छ । तर पनि उक्त भारतीयका बारेमा अझैसम्म केही अत्तोपत्तो नै छैन । त्यस जीपमा को-को सवार थिए ? के त्यहाँ चालक मात्रै थिए ? वा अन्य यात्रु थिए ? प्रहरी भन्छ-"चालक दुर्घटनाका कारण डराएर भागेको हुनुपर्छ ।"

प्रकाशित मिति: बुधबार, माघ ३, २०८० ०८:४७

प्रतिक्रिया दिनुहोस्