नेपालगन्जमा १९ दिनपछि घाम लागेपछि....

स्थानीय

गृहपृष्ठ
स्थानीय
नेपालगन्जमा १९ दिनपछि घाम लागेपछि....

नेपालगन्जमा १९ दिनपछि घाम लागेपछि....

मंगलबार, माघ ९, २०८० बागेश्वरी पोस्ट

नेपालगन्ज । दुई साता भन्दा बढी घाम नलागेको बाँकेमा सुर्यले दर्शन दिएपछि यहाँका स्थानीयहरुले आज राहत महशुस गरेका छन् ।

जिल्लाभर १९ दिनपछि घाम लागेपछि नेपालगन्ज, कोहलपुर, राप्तीसोनारी, डुडुवा, नरैनापुर लगायत अन्य स्थानका मानिसहरु पारिलो घाममा बसिरहेको दृश्य देख्न सकिन्छ ।मानिसहरु घरका छत तथा कौसी, घरका आँगन तथा खेतका आलीहरुमा घाम तापिरहेका छन् । घाम लागेपछि मजदुरी गर्ने मजदुरलाई बढी राहत मिलेको छ भने स्कुले विधार्थीहरुलाई पनि पठनपाठनमा सहज बनेको छ ।

घाम नलागेर अत्याधिक चिसोसंगै शीतलहर झेल्दै आएका स्थानीयहरु आज घाम देखेपछि फुरुङ्ग भएका छन् । अत्याधिक चिसोका कारण बाँकेका अधिकांश स्कुल बन्द छन् भने कतिपय स्कुल सन्चालनमा आइसकेका छन् ।

बाँकेमा जाडोमा अधिक जाडो र गर्मीमा पनि अधिक गर्मी हुने ठाउँ हो ।

प्रकाशित मिति: मंगलबार, माघ ९, २०८० १३:४७

प्रतिक्रिया दिनुहोस्