अछाम कारागारमा एक जना कैदी मृत अवस्थामा भेटिए

समाचार

गृहपृष्ठ
समाचार
अछाम कारागारमा एक जना कैदी मृत अवस्थामा भेटिए

अछाम कारागारमा एक जना कैदी मृत अवस्थामा भेटिए

मंगलबार, फागुन ६, २०७६ बागेश्वरी पोस्ट

फाइल फोटो

अछाम। अछाम कारागारमा एक जना कैदी मृत फेला परेका छन् । कारागारमा सुतेको अवस्थामा एक कैदी मृत भेटिएका हुन् ।

कर्तव्य ज्यान मुद्दामा कैद भुक्तानी गरिरहेका पञ्चदेवल विनायक नगरपालिका ६ तोलिका ४२ वर्षीय जितेन्द्र विक कारागारभित्रै मृतावस्थामा भेटिएका हुन्।

आज बिहान ढिलोसम्म उनी नउठेपछि अन्य कैदीबन्दीले हेर्दा मृतावस्थामा फेला पारेको जिल्ला प्रहरी कार्यालयका प्रहरी प्रमुख प्रहरी नायब उपरीक्षक दीपक भारतीले जानकारी दिए ।मृत्युको कारण खुल्न नसकेको र अन्य अवस्थाबारे अनुसन्धान भइरहेको उनले जानकारी दिए।

उनी कर्तब्य ज्यान मुद्दामा २०६६ भदौमा जेल परेका विकले १० वर्ष ६ महिना कैद भुक्तानी गरिसकेका र जेलबाट छुट्न सिफारिस हुने क्रममा रहेका थिए । मृत बारे अनुशन्धान भइरहेको प्रहरीले जानकारी दिएको छ।

प्रकाशित मिति: मंगलबार, फागुन ६, २०७६ १३:५७

प्रतिक्रिया दिनुहोस्