सार्वजनिक शौचालय व्यवस्थित तरिकाले सञ्चालन गर्न छलफल

स्थानीय

गृहपृष्ठ
स्थानीय
सार्वजनिक शौचालय व्यवस्थित तरिकाले सञ्चालन गर्न छलफल

सार्वजनिक शौचालय व्यवस्थित तरिकाले सञ्चालन गर्न छलफल

बुधबार, फागुन २, २०८० बागेश्वरी पोस्ट

नेपालगञ्ज । नेपालगञ्ज उपमहानगरपालिकाभित्रका सार्वजनिक शौचालयलाई ब्यवस्थित तरिकाले सञ्चालन गर्न छलफल गरिएको छ । एसएनभी नेपालको आयोजनामा नेपालगञ्ज उपमहानगरपालिकाका जनप्रतिनिधि र कर्मचारीहरुसंग सार्वजनिक शौचालयलाई ब्यवस्थित तरिकाले सञ्चालन गर्न छलफल गरिएको हो ।

सार्वजनिक शौचालयको प्रयोगलाई व्यवस्थित बनाउँदै सरसफाई, मर्मत-सम्भार लगायतका विषयमा ध्यान दिन आवश्यक रहेको सरोकारवालाको भनाई छ । आकर्षक सार्वजनिक शौचालय निर्माण गरिन्छ । तर, आवश्यक व्यवस्थापन र रेखदेखको अभावमा जीर्ण बन्दै जाने समस्या छ । यिनको टिकाउको लागि कार्ययोजना बनाउन आवश्यक देखिन्छ । शौचालय सञ्चालन खर्च व्यवस्थापनका लागि कुन मोडेलमा कसरी जान सकिन्छ भन्ने विषयमा सरोकारवालाबीच मन्थन भएको छ । शौचालय सेवामुखी भएपनि दीर्घकालीन खर्च ब्यवस्थापनका लागि न्यूनतम शुल्क लिँदै नागरिकको दायित्वबोध समेत बढाउन आवश्यक रहेको आवश्यकता औंल्याइएको छ ।

छलफल पश्चात नेपालगञ्ज उपमहानगरपालिकाको समन्वयमा एसएनभी नेपालले पुनःनिर्माण गरेका दुई वटा सार्वजनिक शौचालयको निरीक्षण पनि गरिएको छ । भेरी अस्पताल र मासुमण्डीको छेउँमा रहेका दुई वटा शुलभ सार्वजनिक शौचालयको निरीक्षण गरिएको हो । १८ लाख लागतमा ती शौचायलको पुनः निर्माण गरिएको एसएनभी नेपालले जनाएको छ । भेरी अस्पतालको छेउँमा रहेको शौचालयमा स्नान गृहको पनि व्यवस्था गरिएको छ । शौचालयलाई अपांगमैत्री पनि बनाइएको छ ।

कार्यक्रममा नेपालगञ्ज उपमहानगरपालिकाका प्रबक्ता प्रमोद रिजाल, विपद तथा वातावरण समिति संयोजक समिरप्रताप सिंह, भौतिक पूर्वाधार समिति संयोजक बसन्त कनोजिया, वडा अध्यक्षहरु, कार्यपालिका सदस्य, विभिन्न शाखाका प्रमुख लगायत उपस्थित थिए । एसएनभी नेपालले नेपालगञ्ज उपमहानगरपालिकाको समन्वय तथा वास एसडिजी र गेरुवा ग्रामीण जागरण संघको सहयोगमा सार्वजनिक शौचालय सञ्चालन सम्बन्धि एक दिने कार्यशाला गोष्ठी आयोजना गरेको हो ।

प्रकाशित मिति: बुधबार, फागुन २, २०८० १४:०६

प्रतिक्रिया दिनुहोस्