काठमाडौंको सितापाइलामा तीन जना मृत फेला, हत्या गरिएको आशंका

सुरक्षा-अपराध

गृहपृष्ठ
सुरक्षा-अपराध
काठमाडौंको सितापाइलामा तीन जना मृत फेला, हत्या गरिएको आशंका

काठमाडौंको सितापाइलामा तीन जना मृत फेला, हत्या गरिएको आशंका

बुधबार, फागुन ९, २०८० बागेश्वरी पोस्ट

काठमाडौं । काठमाडौंको सितापाइलमा तीन जनाको शव फेला परेको छ । आज बिहान नागार्जुन नगरपालिका-६ सितापाइलामा तीन जनाको शव फेला परेको जिल्ला प्रहरी परिसर काठमाडौंले जनाएको छ ।

‘तीन जनाको शव फेला परेको छ । प्रहरी घटनास्थलमा पुगेर अनुसन्धान गर्दैछ,’ एक प्रहरी अधिकृतले भने, ‘कस्तो अवस्थामा थियो भन्ने पछि आउला ।’

शव घरभित्र फेला परेको हो । घटनास्थलमा प्रहरीको टोली पुगेको छ । काठमाडौं उपत्यका अपराध अनुसन्धान कार्यालयको टोली पनि अनुसन्धानका लागि खटिएको छ ।

प्रहरीका अनुसार मृतक मध्ये एक जना अन्दाजी डेढ वर्ष र अर्की अन्दाजी ८ वर्षकी बालिका र एक महिला रहेका छन् । धारिलो हतियार प्रयोग गरी उनीहरुको हत्या भएको छ । मृतकका श्रीमान भने फरार रहेको प्रहरीले जनाएको छ । उनीहरुको हत्या भएको प्रहरीले अनुमान लगाएको छ ।

प्रहरीले थप अनुसन्धान सुरु गरेको जनाएको छ ।

प्रकाशित मिति: बुधबार, फागुन ९, २०८० ११:४९

प्रतिक्रिया दिनुहोस्