स्थानीय मिडिया प्रबद्र्धनका लागि प्रतिबद्ध छौंः नगर प्रमुख विष्ट

स्थानीय

गृहपृष्ठ
स्थानीय
स्थानीय मिडिया प्रबद्र्धनका लागि प्रतिबद्ध छौंः नगर प्रमुख विष्ट

स्थानीय मिडिया प्रबद्र्धनका लागि प्रतिबद्ध छौंः नगर प्रमुख विष्ट

शुक्रबार, फागुन ११, २०८० बागेश्वरी पोस्ट

नेपालगञ्ज । नेपालगञ्ज उपमहानगरपालिकाका प्रमुख प्रशान्त विष्टले स्थानीय मिडिया प्रबद्र्धनका लागि प्रतिबद्ध रहेको बताएका छन् । स्थानीय मिडिया प्रबद्र्धनका सम्बन्धमा आज सञ्चारकर्मीहरुसंग आयोजित छलफल कार्यक्रममा उनले स्थानीय मिडियाको संरक्षण र संबद्र्धन गर्नु स्थानीय सरकारको दायित्व भएको भन्दै नगर आमसञ्चार नीति २०७८ मा टेकेर समन्वय र सहकार्य गरिने प्रष्ट पारे ।

उपप्रमुख कमरुद्दिन राईले समस्यामा परेका मिडिया र मिडियाकर्मीको विकासका लागि अभिभावकीय भूमिका निभाउन आवश्यक रहेको बताए । प्रबक्ता प्रमोद रिजालले मिडिया र स्थानीय सरकारबीच निरन्तर अन्तरक्रिया, समन्वय र सहकार्य हुनुपर्ने बताए । छलफलमा उपस्थित सञ्चारकर्मीहरुले सञ्चार नीतिको प्रभावकारी कार्यान्वयनमा जोड दिए ।

नेपालगञ्ज उपमहानगरपालिकाले स्थानीय मिडिया प्रबद्र्धन कार्यक्रम अन्तर्गत चालू आर्थिक बर्षमा लोककल्याणकारी विज्ञापन, सूूचना प्रकाशन तथा कार्यक्रम उत्पादनमा सहकार्यका लागि नेपालगञ्ज उपमहानगरपालिकालाई कार्य क्षेत्र बनाएका मिडियाको सूचीकरण गर्न सार्वजनिक सूचना जारी गर्ने जनाएको छ ।

प्रकाशित मिति: शुक्रबार, फागुन ११, २०८० २०:४०

प्रतिक्रिया दिनुहोस्