युवकको हत्या आरोपमा वडाध्यक्षसहित ६ जना पक्राउ

सुरक्षा-अपराध

गृहपृष्ठ
सुरक्षा-अपराध
युवकको हत्या आरोपमा वडाध्यक्षसहित ६ जना पक्राउ

युवकको हत्या आरोपमा वडाध्यक्षसहित ६ जना पक्राउ

आइतबार, फागुन २०, २०८० बागेश्वरी पोस्ट

महेन्द्रनगर । कन्चनपुरमा एक जना युवकको हत्या आरोपमा बेलौरी नगरपालिका-९ का वडाध्यक्ष किसनसिंह राना पक्राउ परेका छन् ।

प्रहरीले गत कात्तिक २४ मा झुण्डिएको अवस्थामा मृत फेला परेका कन्चनपुर बेलौरी नगरपालिका-९ का १८ वर्षीया अनुश रानाको हत्या आरोपमा वडाध्यक्ष रानासहित ६ जनालाई पक्राउ गरेको जनाएको छ ।

कन्चनपुर प्रहरीले अनुश रानाको हत्या आरोपमा वडाध्यक्ष रानासँगै सोही ठाउँकै भंगी राना, सुकदेव राना, दुक्खो राना, सुरज राना र अनिरुद्र रानालाई पनि पक्राउ गरेको जानकारी दिएको छ ।

मृतक अनुश रानाका बुवाले आफ्नो छोराको किसनसिंह रानासहित ६ जनाले पहिला हत्या गरेर कानुनबाट बच्न आत्महत्या देखाउन रुखमा झुण्ड्याइएको भन्दै बेलडाँडी प्रहरीमा जाहेरी दिएपछि जाहेरीका आधारमा ६ जनालाई पक्राउ गरिएको कन्चनपुर प्रहरीले जनाएको छ ।

प्रहरीको प्रारम्भिक अनुसन्धानमा मृतक अनिशको मृत्यु भएको दिनमा ती सबै ६ जना मृतकसँगै रहेको देखिएको प्रहरीले बताएको छ।

कन्चनपुर जिल्ला अदालतले हत्याको आरोपमा पक्राउ परेका सबैलाई ज्यान मुद्दामा अनुसन्धान गर्नका लागि १० दिन हिरासतमा राख्न अनुमति लिएको छ । यसबारेमा प्रहरीले उनीहरुसँग थप अनुसन्धान गरिरहेको जानकारी दिएको छ ।

प्रकाशित मिति: आइतबार, फागुन २०, २०८० १९:४१