एमाले र माओवादी मिल्ने सहमति, बालकोटमा आकस्मिक बैठक जारी

राजनीति

गृहपृष्ठ
राजनीति
एमाले र माओवादी मिल्ने सहमति, बालकोटमा आकस्मिक बैठक जारी

एमाले र माओवादी मिल्ने सहमति, बालकोटमा आकस्मिक बैठक जारी

सोमबार, फागुन २१, २०८० बागेश्वरी पोस्ट

काठमाडौं । नेकपा एमालेमा अध्यक्ष केपी शर्मा ओली निवास बालकोटमा नेकपा एमालेको आकस्मिक सचिवालयलको बैठक बसिरहेको छ ।

फागुन २५ गते बैठक बस्ने तय भए पनि आज बिहान आकस्मिक बैठक बसिरहेको छ । सत्ता गठबन्धनमा समस्या उत्त्पन्न भएपछि एमालेले आकस्मिक सचिवालय बैठक आह्वान बोलाएको हो ।

आइतबार राति भएका छलफलमा एमाले र माओवादी केन्द्रबीच मिलेर जाने सहमति भएपछि अहिले सचिवालय बैठक बसेको हो ।

त्यस्तै टीआरसी विधेयक टुंगो लगाउने र राष्ट्रियसभा अध्यक्षमा पनि सहमति गरेर जाने नेकपा एमाले र माओवादी केन्द्रबीच सहमति भएको छ । अब कांग्रेस र माओवादी केन्द्रको सत्ता गठबन्धनमा हेरफेर हुने भएको छ । कांग्रेससँग रुष्ट भएको माओवादी केन्द्रले एमालेलाई साथ लिएर नयाँ गठबन्धन बनाउने भएको हो । त्यसका लागि नेताहरू निरन्तर छलफलमा जुटेका छन् ।