गृहमन्त्री अझै पदमा हुनुमा कुनै रहस्य लुकेको छ: कोइराला

राजनीति

गृहपृष्ठ
राजनीति
गृहमन्त्री अझै पदमा हुनुमा कुनै रहस्य लुकेको छ: कोइराला

गृहमन्त्री अझै पदमा हुनुमा कुनै रहस्य लुकेको छ: कोइराला

शनिबार, चैत १०, २०८० बागेश्वरी पोस्ट

फाइल फोटो

काठमाडौं । नैतिकता भए गृहमन्त्री रवि लामिछाने एक मिनेट पनि पदमा बस्न नहुने नेपाली कांग्रेसका नेता डा. शेखर कोइरालाले बताएका छन् ।

काठमाडौंमा आयोजित एक कार्यक्रमलाई सम्बोधन गर्दै सहकारी प्रकरणमा मुछिएका लामिछानेले अनुसन्धानमा सघाउन राजीनामा दिनुपर्ने बताउँदै नेता कोइरालाले तत्काललाई राजिनामा दिएर निर्दोष सबित भए पुन: गृहमन्त्री नै भए भैहाल्छ भन्ने कुरा बताएका हुन् ।

यसरी चौतर्फी लामिछानेको विरोध हुँदै गर्दा गृहमन्त्रीमै बस्नुमा केही न केही कुरा लुकेको हुन सक्ने नेता कोइरालाले बताए । नयाँ सत्तागठबन्धनले सत्ता बचाउन अनुसन्धानको घेरामा रहेको व्यक्तिलाई गृहमन्त्री बनाएकोमा कोइरालाले आक्रोश व्यक्त गरे ।

देशमा केही परिवर्तन हुनका लागि नागरिकको भूमिका महत्त्वपूर्ण हुने बताउँदै अबका दिनमा खबरदारी आबश्यक हुने बताएका थिए ।

प्रकाशित मिति: शनिबार, चैत १०, २०८० १३:०१

प्रतिक्रिया दिनुहोस्