जानकीमा विपद जोखिम न्यूनीकरण सम्बन्धि दुई दिने तालिम शुरु

स्थानीय

गृहपृष्ठ
स्थानीय
जानकीमा विपद जोखिम न्यूनीकरण सम्बन्धि दुई दिने तालिम शुरु

जानकीमा विपद जोखिम न्यूनीकरण सम्बन्धि दुई दिने तालिम शुरु

शुक्रबार, चैत १६, २०८० बागेश्वरी पोस्ट

नेपालगञ्ज । बाँकेको जानकी गाउँपालिकाले ईरा मिरा तथा वातावरण तथा विपद जोखिम न्यूनीकरण सम्बन्धि दुई दिने तालिम शुरु गरेको छ । वातावरण तथा विपद व्यवस्थापन शाखाको आयोजनामा ईरा मिरा तथा वातावरण तथा विपद जोखिम न्यूनीकरण सम्वन्धि दुई दिने तालिम आजदेखि शुरु भएको हो ।

तालिमको वातावरण तथा विपद व्यवस्थापन समिति संयोजक राजेन्द्र सिंहले शुभारम्भ गरेका हुन् । संयोजक सिंहले यो तालिम निकै महत्वपूर्ण रहेको बताए । उनले तालिमबाट सिकेका कुरा समाजमा आइपर्ने विपदहरुसँग जुध्न लागू गर्नुपर्ने बताए । साथै संयोजक सिंहले के कसरी कार्य गर्दा प्रत्येक वडामा प्रभावकारी लाभ दिन सकिन्छ र विपदबाट जोगाउन सकिन्छ भन्ने विषयमा गहन छलफल गरी अगाडि बढ्नुपर्नेमा जोड दिए ।

कार्यक्रममा उपाध्यक्ष रामप्यारी यादव, कार्यपालिका सदस्य रामआचल धोवी, वडा नम्वर ६ का वडा सदस्य प्रेमवहादुर लोनिया, विभिन्न वडाका वडास्तरीय विपद समितिका सदस्यहरु क्रमशः सोनापती सिखनी, उमेशकुमार सोनकर, राधा विष्ट, चित्रवहादुर सुनार, धनसरी विक, धर्मराज वर्मा, सुनिल कुर्मी, करसत सिंह, रेडक्रसका प्रतिनिधि असगर अली तेली, परामर्शदाता शोहराव इद्रिसी, पालिकाका प्रशासन शाखाका प्रमुख गोपीचन्द्र चौलागाईं, सूचना शाखाका प्रमुख विकास जिसीको उपस्थिति रहेको थियो । कार्यक्रमको सञ्चालन वातावरण तथा विपद व्यवस्थापन शाखाका प्रमुख राजेन्द्र वाजपेयीले गरेका थिए भने तालिममा प्रशिक्षण नेपाल रेडक्रस सोसाइटी बाँकेका कार्यक्रम अधिकृत प्रल्हाद विश्वकर्माले दिएका थिए ।

प्रकाशित मिति: शुक्रबार, चैत १६, २०८० २०:३२

प्रतिक्रिया दिनुहोस्