जानकीमा विपद जोखिम न्यूनीकरण सम्बन्धि दुई दिने तालिम सम्पन्न

स्थानीय

गृहपृष्ठ
स्थानीय
जानकीमा विपद जोखिम न्यूनीकरण सम्बन्धि दुई दिने तालिम सम्पन्न

जानकीमा विपद जोखिम न्यूनीकरण सम्बन्धि दुई दिने तालिम सम्पन्न

शनिबार, चैत १७, २०८० बागेश्वरी पोस्ट

नेपालगञ्ज । बाँकेको जानकी गाउँपालिकाले आयोजना गरेको दुई दिने ईरा मिरा तथा वातावरण तथा विपद जोखिम न्यूनीकरण सम्बन्धि तालिम सम्पन्न भएको छ । वातावरण तथा विपद व्यवस्थापन शाखाको आयोजनामा ईरा मिरा तथा वातावरण तथा विपद जोखिम न्यूनीकरण सम्वन्धि दुई दिने तालिम शुक्रबारदेखि शुरु गरिएको थियो । तालिमको दोस्रो दिन आपतकालीन कार्यसञ्चालन केन्द्रका सूचना व्यवस्थापन अधिकृत रुपन ज्ञवालीले प्रशिक्षण दिएका थिए । पहिलो दिन नेपाल रेडक्रस सोसाइटी बाँकेका कार्यक्रम अधिकृत प्रल्हाद विश्वकर्माले सहजीकरण गरेका थिए ।

May be an image of 10 people, people studying, table and text

समापन कार्यक्रममा बोल्दै प्रमुख प्रशासकीय अधिकृत दिलबहादुर पौडेलले विपदजन्य घटनाबाट जोगिन पूर्व तयारी महत्वपूर्ण पाटो भएको भन्दै तालिम उपयोगी हुने विश्वास ब्यक्त गरे । विपद जोखिम न्यूनीकरण गर्न तालिम जरुरी रहेको बताए । तालिमको वातावरण तथा विपद व्यवस्थापन समिति संयोजक राजेन्द्र सिंहले शुभारम्भ तथा समापन गरेका थिए । संयोजक सिंहले यो तालिम निकै महत्वपूर्ण रहेको बताए । उनले तालिमबाट सिकेका कुरा समाजमा आइपर्ने विपदहरुसँग जुध्न लागू गर्नुपर्ने बताए ।

तालिम शुभारम्भ कार्यक्रममा उपाध्यक्ष रामप्यारी यादव, कार्यपालिका सदस्य रामआचल धोवी, वडा नम्वर ६ का वडा सदस्य प्रेमवहादुर लोनिया, विभिन्न वडाका वडास्तरीय विपद समितिका सदस्यहरु क्रमशः सोनापती सिखनी, उमेशकुमार सोनकर, राधा विष्ट, चित्रवहादुर सुनार, धनसरी विक, धर्मराज वर्मा, सुनिल कुर्मी, करसत सिंह, रेडक्रसका प्रतिनिधि असगर अली तेली, परामर्शदाता शोहराव इद्रिसी, पालिकाका प्रशासन शाखाका प्रमुख गोपीचन्द्र चौलागाईं, सूचना शाखाका प्रमुख विकास जिसीको उपस्थिति रहेको थियो । कार्यक्रमको सञ्चालन वातावरण तथा विपद व्यवस्थापन शाखाका प्रमुख राजेन्द्र वाजपेयीले गरेका थिए ।

प्रकाशित मिति: शनिबार, चैत १७, २०८० २०:५८

प्रतिक्रिया दिनुहोस्