नेपालगञ्ज उपमहानगरपालिकाले सडकको रेलिङ आफूखुसी काट्नेलाई कारबाही गर्ने

स्थानीय

गृहपृष्ठ
स्थानीय
नेपालगञ्ज उपमहानगरपालिकाले सडकको रेलिङ आफूखुसी काट्नेलाई कारबाही गर्ने

नेपालगञ्ज उपमहानगरपालिकाले सडकको रेलिङ आफूखुसी काट्नेलाई कारबाही गर्ने

मंगलबार, चैत २७, २०८० बागेश्वरी पोस्ट

नेपालगञ्ज । नेपालगञ्ज उपमहानगरपालिकाले सडकको रेलिङ आफूखुसी काट्नेलाई कारबाही गर्ने भएको छ ।

नगर प्रमुख प्रशान्त विष्टको नेतृत्वमा जिल्ला प्रशासन कार्यालय बाँके, उपमहानगरपालिकाको नगर प्रहरी र नेपाल प्रहरीको संयुक्त टोलीले विपी चोक क्षेत्रमा रेलिङको अवस्थाबारे अनुगमन गर्दै आ-आफ्नो पसल/व्यवसाय अगाडिको रेलिङ काटेका व्यवसायीलाई सात दिनभित्र पुनःनिर्माण गर्न अल्टिमेटम समेत दिएको छ । निर्देशन अवज्ञा गर्नेलाई सार्वजनिक सम्पत्ति तोडफोड कसुर अन्तर्गत कार्वाही गरिने नगर प्रमुख विष्टले बताए ।

May be an image of 4 people, motorcycle, street, road and text

व्यवसायीहरुले आफ्नो पसल अगाडिको रेलिङ आफूखुसी काट्न थालेपछि प्रशासन र नेपालगञ्ज उपमहानगरपालिकामा उजुरी समेत परेको छ । रेलिङ भत्काउने कार्य भएमा अब तत्काल कारबाही गरिने नगर प्रमुख विष्टको भनाई छ । अहिलेसम्म भत्काइएका रेलिङ पूर्ववत अवस्थामा फर्काउन समय दिइएको बताउँदै उनले अटेर गरे कारबाही प्रक्रियामा जाने स्पष्ट पारे । सार्वजनिक सम्पत्ति तोडफोड गर्ने अधिकार कसैलाई नभएको भन्दै नागरिकस्तरबाट रेलिङ काट्ने वा भत्काउने कार्यको विरोध हुँदै आएको छ ।

May be an image of 8 people, temple and text