गहुँ खेतमा महिलाको शव भेटियो, हत्या भएको आशंका

सुरक्षा-अपराध

गृहपृष्ठ
सुरक्षा-अपराध
गहुँ खेतमा महिलाको शव भेटियो, हत्या भएको आशंका

गहुँ खेतमा महिलाको शव भेटियो, हत्या भएको आशंका

आइतबार, वैशाख २, २०८१ बागेश्वरी पोस्ट

धनुषा । धनुषाको हंसपुर नगरपालिकास्थित गहुँ खेतमा एक जना महिलाको शव फेला परेको छ ।

नयाँ वर्षको दिनको साँझ ६ बजेदेखि सम्पर्कविहीन भएकी धनुषाको सहिदनगर नगरपालिका-ननुपट्टि गएकी हंसपुर-७ की ५५ वर्षीया महिला शुभदेवी मण्डलको गहुँ खेतमा आज बिहान ९ बजे शव फेला परेको धनुषा प्रहरीले जानकारी दिएको छ ।

प्रहरीका अनुसार मृतक महिला शुभदेवीको शरीरका विभिन्न भागमा चोट लागेको छ । उनको हत्या गरेर गहुँ खेतमा फालेको हुन सक्ने प्रहरीको अनुमान रहेको छ ।

सहिदनगरको ननुपट्टि शुभदेवीको माइती गाउँ रहेको र एक जना आफन्तको मृत्यु भएको हुँदा उनी त्यहा गएको प्रहरीले जानकारी दिएको छ ।

शव फेला परेको स्थलमा प्रहरीले तालिमप्राप्त कुकुरको सहायताबाट अनुसन्धान सुरु गरेको जनाएको छ ।

प्रकाशित मिति: आइतबार, वैशाख २, २०८१ १२:४९

प्रतिक्रिया दिनुहोस्