डीआईजीमा बढुवा भएका दीपक अधिकारीलाई दर्ज्यानी चिन्ह प्रदान

सुरक्षा-अपराध

गृहपृष्ठ
सुरक्षा-अपराध
डीआईजीमा बढुवा भएका दीपक अधिकारीलाई दर्ज्यानी चिन्ह प्रदान

डीआईजीमा बढुवा भएका दीपक अधिकारीलाई दर्ज्यानी चिन्ह प्रदान

सोमबार, वैशाख ३, २०८१ बागेश्वरी पोस्ट

काठमाडौं । सशस्त्र प्रहरी वरिष्ठ उपरीक्षक (एसएसपी) बाट सशस्त्र प्रहरी नायब महानिरीक्षक (डीआईजी) मा एकल बढुवा भएका दीपक अधिकारीलाई दर्ज्यानी चिन्ह प्रदान गरिएको छ ।

सशस्त्र प्रहरी महानिरीक्षक राजु अर्यालले हलचोकस्थित सशस्त्र प्रहरी मुख्यालयमा आज आयोजित समारोहमा अधिकारीलाई डीआईजीको दर्ज्यानी चिन्ह प्रदान गरेका हुन् ।

सशस्त्र प्रहरीको सिसम एक ब्याचका अधिकारी गत चैत २३ गतेको गृहमन्त्रीस्तरीय निर्णय अनुसार एसएसपीबाट डीआईजीमा बढुवा भएका हुन् । दाङ घर भएका डीआईजी सशस्त्र प्रहरी बलभित्र एक अब्बल उच्च अधिकृतका रुपमा पर्दछन् ।

डीआईजी अधिकारी एसएसपीमा रहँदा लुम्बिनी प्रदेश सशस्त्र प्रहरी बिन्ध्याबासिनी बाहिनी, सशस्त्र प्रहरी स्टाफ कलेजको निमित्त प्रमुख र सशस्त्र प्रहरी तालिम केन्द्र पोखरामा कार्यरत थिए । साथै डीआइजी अधिकारी एसपी छँदा जिल्ला कमाण्डमा पनि अब्बल कार्य गरिसकेका छन् ।

प्रकाशित मिति: सोमबार, वैशाख ३, २०८१ १८:५९