नेपालगञ्ज उपमहानगरपालिका वडा नम्बर २ मा वडास्तरीय बाल क्लब पुनर्गठन

स्थानीय

गृहपृष्ठ
स्थानीय
नेपालगञ्ज उपमहानगरपालिका वडा नम्बर २ मा वडास्तरीय बाल क्लब पुनर्गठन

नेपालगञ्ज उपमहानगरपालिका वडा नम्बर २ मा वडास्तरीय बाल क्लब पुनर्गठन

मंगलबार, वैशाख ४, २०८१ बागेश्वरी पोस्ट

नेपालगञ्ज । नेपालगञ्ज उपमहानगरपालिका वडा नम्बर २ मा वडास्तरीय बाल क्लब पुनर्गठन गरिएको छ । बाल क्लबलाई सक्रिय बनाउन बाल क्लब पुनर्गठन गरिएको हो ।

सुमित शाहूको अध्यक्षतामा बसेको भेलाले ११ सदस्यीय बाल क्लब पुनर्गठन गरेको छ । पुनर्गठित बाल क्लबको अध्यक्षमा श्रीया भुजेल चयन भएकी छिन् । उपाध्यक्षमा मोहम्मद अशद अहमद, सचिवमा करुणा राई, सहचिवमा अन्जली साहू र कोषाध्यक्षमा सुमित्रा साहू चयन भएका छन् ।

यस्तै सदस्यहरुमा श्रृष्टि साहू, जोयशा श्रेष्ठ, सुष्मा कार्की, शशीकान्त साहू, प्राची बैश्य र मरियम राई रहेका छन् भने सल्लाहकारमा सुमितकुमार साहू, नूरजहाँ राई र सलमान सलमानीलाई चयन गरिएको छ ।

भेलालाई सम्बोधन गर्दै वडा नम्बर २ की वडा सदस्य गीतादेवी रानाले क्लबमा बस्ने सम्पूर्ण पदाधिकारी सक्रिय भएर लाग्नुपर्ने बताइन् । उनले अरुका बिषयमा बोल्न सके पनि आफ्ना समस्याका बारेमा खुलेर बोल्न सक्ने क्षमता बृद्धिमा क्लबले सहयोग पु¥याउने हुँदा रचनात्मक कार्यमा निरन्तर लाग्न सुझाव दिइन् ।

अर्का वडा सदस्य तुलसा परियारले पुनर्गठित क्लबका सदस्यहरुलाई बधाई दिँदै सफल कार्यकालको शुभकामना प्रदान गरिन् । वडास्तरमा रहेका निष्क्रिय बाल क्लबहरुलाई सक्रिय बनाउन गठन÷पुनर्गठन कार्य सञ्चालन गरिएको नेपालगञ्ज उपमहानगरपालिकाकी महिला विकास अधिकृत पवित्रा पुरीले जानकारी दिइन् ।

प्रकाशित मिति: मंगलबार, वैशाख ४, २०८१ २१:१०

प्रतिक्रिया दिनुहोस्