लाखौं भाडा नतिर्ने पाँच पसलमा नेपालगञ्ज उपमहानगरपालिकाको ताला

स्थानीय

गृहपृष्ठ
स्थानीय
लाखौं भाडा नतिर्ने पाँच पसलमा नेपालगञ्ज उपमहानगरपालिकाको ताला

लाखौं भाडा नतिर्ने पाँच पसलमा नेपालगञ्ज उपमहानगरपालिकाको ताला

बिहीबार, वैशाख ६, २०८१ बागेश्वरी पोस्ट

नेपालगञ्ज । नेपालगञ्ज उपमहानगरपालिकाले लाखौं भाडा नतिर्ने आधा दर्जन पसलहरुमा ताला लगाएको छ । राजश्व शाखाले पटक पटक ताकेता गर्दा पनि अटेर गर्ने ५ वटा पसलहरुमा आज ताला लगाएको हो ।

विपी चोकस्थित उपमहानगरपालिकाका सटरमा रहेका विभिन्न पसलहरु मध्ये भाडा नतिर्ने पसलहरुमा ताला लगाएको अधिकृत दिपेन्द्र श्रेष्ठले बताए । ३ महिनादेखि १८ महिनासम्मको भाडा नतिर्ने पसलमा ताला लगाइएको हो । ती पसलहरुको बक्यौता साढे ७६ हजारदेखि साढे चार लाखसम्म छ ।

राजश्व शाखाका श्याम चौधरीका अनुसार १८ महिनाको भाडा नतिरी ४ लाख ५९ हजार बाँकी बक्यौता रहेको विन्द्रासैनी ट्रेडर्स, १५ महिनाको भाडा नतिरी ३ लाख ८२ हजार ५ सय बक्यौता रहेको तनुस जनरल स्टोर, १४ महिनाको ३ लाख ३२ हजार ५ सय भाडा नतिर्ने माँ जानकी किराना पसल, १० महिनाको २ लाख ५५ हजार भाडा तिर्न बाँकी एसएस विजुली भण्डार र ३ महिनाको ७६ हजार ५ सय भाडा नतिरेको जानकी स्टेशनरीमा ताला लगाइएको छ ।

अधिकृत श्रेष्ठको अगुवाईमा गएको टोलीले ताला लगाएको हो । बाँकी भाडा तिरेपछि मात्र ती पसलहरुको ताला खोलिनेछ ।

प्रकाशित मिति: बिहीबार, वैशाख ६, २०८१ १९:४६

प्रतिक्रिया दिनुहोस्