सामाजिक परीक्षणका विषयमा नेपालगन्जमा छलफल

स्थानीय

गृहपृष्ठ
स्थानीय
सामाजिक परीक्षणका विषयमा नेपालगन्जमा छलफल

सामाजिक परीक्षणका विषयमा नेपालगन्जमा छलफल

मंगलबार, वैशाख २५, २०८१ बागेश्वरी पोस्ट

नेपालगन्ज । नेपालगन्ज उमपहानगरपालिकाको आर्थिक बर्ष २०७९/०८० को सामाजिक परीक्षण कार्यक्रम अन्तर्गत प्रारम्भिक प्रतिबेदन प्रस्तुतिकरण तथा छलफल गरिएको छ ।

नेपालगन्ज उमपहानगरपालिकाको सहयोग तथा बास नेपालको सहजीकरणमा भएको कार्यक्रममा बोल्दै नगर उपप्रमुख कमरुद्दिन राईले सामाजिक परीक्षणको प्रतिबेदनमा देखिएका समस्याहरुलाई आधार बनाएर सुधार गर्दै लैजान सबैलाई निर्देशन गरे । नेपालगन्ज उपमहानगरपालिका अन्तर्गत सबै शाखाहरुले आ-आफ्नो जिम्मेवारी प्रभावकारीरुपमा पूरा गरेमा मात्रै नगरपालिकाले प्रगति हासिल गर्ने उनको भनाई थियो । सामाजिक परीक्षणले उपमहानगरपालिकाको राम्रो कुरा र सुधार गर्नुपर्ने कुरा औंल्याएको बताउँदै प्रतिबेदनको आधारमा कमीकमजोरी भएका ठाउँमा प्रभावकारी काम गर्न उनले जनप्रतिनिधि र कर्मचारीलाई अनुरोध गरे ।

कार्यक्रममा बोल्दै प्रमुख प्रशासकीय अधिकृत ओम बहादुर खड्काले उपमहानगरपालिकाले गरेका कार्यहरुको प्रगति, समस्या तथा सुझाव महत्वपूर्ण रहेकाले सो अनुसार सुधारका काम गर्ने प्रतिबद्धता ब्यक्त गरे । उनले सबै महाशाखा/शाखालाई प्रभावकारी रुपमा काम गर्न अनुरोध गरे ।

बासका निर्देशक हेमराज भट्टले सञ्चालन गरेको कार्यक्रममा बास नेपालका कार्यकारी निर्देशक तथा सामाजिक परीक्षक नमस्कार शाहले सामाजिक परीक्षण, प्रक्रिया, नेपालगन्ज उपमहानगरपालिकाले आर्थिक बर्ष २०७९/०८० मा गरेका कार्यहरु, जनप्रतिनिधि तथा कर्मचारीहरुसँगको छलफल, लक्षित समूह छलफल, सन्दर्भ सामग्री अध्ययन, स्थलगत अवलोकन लगायतबाट प्राप्त तथ्यसँगै उपमहानगरपालिकाको राम्रा पक्षहरु, सुधार गर्नुपर्ने पक्ष, समस्या, चुनौतीका बिषयमा प्रस्तुतिकरण गरेका थिए ।

प्रस्तुतिकरण पश्चात खुल्ला छलफलको क्रममा वडा नम्बर २ का अध्यक्ष मनोज कुमार श्रेष्ठ, वढा नम्बर ९ का अध्यक्ष गोबिन्द प्रसाद रेग्मी, वडा नम्बर ११ का वडा अध्यक्ष नन्द किशोर कश्यप (कहार), नगर कार्यपालिका सदस्य बसन्त कुमार कनौजिया लगायतले बोलेका थिए ।

सामाजिक परीक्षण कार्यक्रम अन्तर्गत भएको छलफलको क्रममा प्राप्त सुझावलाई समाबेश गरी नेपालगन्ज उपमहानगरपालिकाको आर्थिक बर्ष २०७९/०८० को सामाजिक परीक्षण अन्तिम प्रतिबेदन सहजीकरण गर्ने संस्थाका तर्फबाट बास नेपालले पेश गरिने बासका सूचना अधिकारी हेमराज भट्टले जानकारी दिए ।

प्रकाशित मिति: मंगलबार, वैशाख २५, २०८१ १०:५९

प्रतिक्रिया दिनुहोस्