घरेलु तथा लैङ्गिक हिंसा सम्वन्धि सचेतनामूलक कार्यक्रम सम्पन्न

स्थानीय

गृहपृष्ठ
स्थानीय
घरेलु तथा लैङ्गिक हिंसा सम्वन्धि सचेतनामूलक कार्यक्रम सम्पन्न

घरेलु तथा लैङ्गिक हिंसा सम्वन्धि सचेतनामूलक कार्यक्रम सम्पन्न

बिहीबार, वैशाख २७, २०८१ बागेश्वरी पोस्ट

रबिन्द्र घिमिरे
खजुरा (बाँके) । खजुरा गाउँपालिकाले टोल विकास संस्था तथा निगरानी समितिका सदस्यहरुलाई घरेलु तथा लैङ्गिक हिंसा सम्वन्धि एक दिने सचेतनामूलक कार्यक्रम सम्पन्न गरेको छ । कार्यक्रम खजुरा गाउँपालिका महिला बालवालिका तथा जेष्ठ नागरिक शाखाको आयोजना र वडा नम्वर ८ रनियापुरको समन्वयमा भएको हो ।

लैङ्गिक हिंसा र घरेलु हिंसा न्यूनीकरण गर्ने, समुदायमा बालबिवाह, दाइजो प्रथा, मानव बेचविखनका साथसाथै सामाजिक समस्याहरु न्यूनीकरण गरी सभ्य समाजको निर्माण गर्ने, महिला सशक्तिकरण गर्ने उद्देश्यले कार्यक्रम सञ्चालन गरिएको महिला बालबालिका तथा जेष्ठ नागरिक शाखाकी प्रमुख सुशिला न्यौपानेले बताइन् । त्यसै गरेर कार्यक्रममा वडा अध्यक्ष फिरोज खाँले यस्ता कार्यक्रम गर्नाले समुदायमा लैङ्गिक हिंसा र घरेलु हिंसा न्यूनीकरण गर्न मद्दत पुग्ने बताए । साथै यस्ता कार्यक्रमहरु समय-समयमा गाउँ-टोलमा नै गएर गरेमा समुदायमा प्रत्यक्ष प्रभाव पर्ने बताए ।

वडा अध्यक्ष खाँको अध्यक्षतामा सम्पन्न कार्यक्रममा सामाजिक विकास समिति संयोजक कृष्ण पोखरेल, कार्यपालिका सदस्यद्वय सुबुत धोबी चमार, खतमुल निशा साई, वडा सदस्य मोहन थारु, वडा सचिव धर्मराज यादव, वकिल खाँ लगायत स्थानीयबासीहरुको उपस्थिति थियो ।

प्रकाशित मिति: बिहीबार, वैशाख २७, २०८१ २०:५२

प्रतिक्रिया दिनुहोस्