विद्यार्थी लिन गएको स्कुल बसमा आगजनी

सुरक्षा-अपराध

गृहपृष्ठ
सुरक्षा-अपराध
विद्यार्थी लिन गएको स्कुल बसमा आगजनी

विद्यार्थी लिन गएको स्कुल बसमा आगजनी

आइतबार, वैशाख ३०, २०८१ बागेश्वरी पोस्ट

चितवन । चितवनमा स्कुल बसमा अज्ञात समूहले आगजनी गरेको छ । आज बिहान भरतपुर महानगरपालिका-२६ को ददेनीमा विद्यार्थी लिनका लागि गएको कल्याणपुरमा रहेको स्मल हेभेन स्कुलको बसमा अज्ञात समूहले आगजनी गरेको प्रहरीले जानकारी दिएको छ ।

प्रहरीका अनुसार आज बिहान स्कुलबाट विद्यार्थी लिनका लागि गएको बागमती प्रदेश ०६ ००१ क ००४५ नम्बरको स्मल हेभेनको स्कुल बसमा तीन वटा मोटरसाइकलमा आएका ६ जनाको अज्ञात समूहले पेट्रोल छर्केर आगजनी गरेको हो । आगजनीबाट स्कुल बस पूर्णरुपले जलेको छ ।

बसमा आगजनी गरेको अज्ञात समूहले बसका सहचालकको मोबाइल समेत लूटेर लगेको र उक्त अज्ञात समूहले हामीले कारबाही गर्छौ भनेका थियौं र आज गरियो भनेर सहचालकलाई भनेको प्रहरीले जानकारी दिएको छ ।

प्रहरीले बसमा आगजनी गरेर फरार रहेको उक्त ६ जनाको अज्ञात समूहको खोजी कार्य सुरु गरेको छ ।

प्रकाशित मिति: आइतबार, वैशाख ३०, २०८१ ११:१३

प्रतिक्रिया दिनुहोस्