सबै वडाबासी सचेत भएमा मात्र वडा समृद्ध हुन्छ: अध्यक्ष श्रेष्ठ

स्थानीय

गृहपृष्ठ
स्थानीय
सबै वडाबासी सचेत भएमा मात्र वडा समृद्ध हुन्छ: अध्यक्ष श्रेष्ठ

सबै वडाबासी सचेत भएमा मात्र वडा समृद्ध हुन्छ: अध्यक्ष श्रेष्ठ

सोमबार, वैशाख ३१, २०८१ बागेश्वरी पोस्ट

नेपालगन्ज । वडाबासीहरु सचेत र सजग भएमा मात्रै समृद्ध वडा हुने नेपालगन्ज उपमहानगरपालिका वडा नम्बर २ का अध्यक्ष मनोज कुमार श्रेष्ठले बताएका छन् । नेपालगन्ज उपमहानगरपालिका २ नम्बर वडाको सहयोग तथा नाइस नेपालगन्जको आयोजनामा आज भएको एक दिने क्षमता अभिबृद्धि तालिम कार्यक्रममा बोल्दै अध्यक्ष श्रेष्ठले यस्तो बताएका हुन् ।

वडाबासीहरुको आवश्यकता अनुसार वडाले काम गरिरहेको उनले बताए । क्षमता अभिबृद्धि र सचेतनाले हरेक ब्यक्तिलाई अगाडि बढ्न हौसला प्रदान गर्ने भएकाले लक्षित बर्ग उत्थान कार्यक्रम अन्तरगत दलित समुदायलाई लक्षित गरेर तालिमको योजना गरिएको उनको भनाई थियो । उनले तालिमबाट सिकेको कुरालाई ब्यवहारमा लागू गर्न सहभागीलाई अनुरोध गरे ।

यसैगरी कार्यक्रममा बोल्दै वडा सचिव गौरी कुमारी शाहीले एक दिने क्षमता अभिबृद्धि तालिमले सहभागीहरुलाई हौसलासँगै अगाडि बढ्न उत्प्रेरणा थप्ने विश्वास ब्यक्त गरिन् । तालिममा वडा नम्बर २ का दलित महिला सदस्य तुल्सादेवी परियारले तालिम नयाँ र हरेक ब्यक्तिलाई काम लाग्ने बिषयमा भएकाले सिकेको सीपलाई प्रयोगमा ल्याउन सहभागीलाई अनुरोध गरिन् ।

वडा कार्यालयको हलमा भएको तालिममा दलित अधिकार तथा जातीय भेदभाव बिरुद्ध कानुनी ब्यवस्थाका बिषयमा अधिबक्ता तथा प्रशिक्षक विश्वजित तिवारी र स्थानीय योजना तर्जुमा प्रक्रियाका बिषयमा प्रशिक्षक हेमराज भट्टले सहजीकरण गरेका थिए । नाइस नेपालगन्जका सचिब कमल बहादुर शाहीले सञ्चालन गरेको तालिममा स्वागत तथा कार्यक्रमको उद्देश्यमाथि वडा सचिव शाहीले प्रकाश पारेकी थिइन् । तालिममा वडाका विभिन्न समुदायका ३५ जनाको सहभागिता रहेको थियो ।

प्रकाशित मिति: सोमबार, वैशाख ३१, २०८१ १७:३४

प्रतिक्रिया दिनुहोस्