खजुरामा सामाजिक परीक्षणको प्रारम्भिक प्रतिबेदनमाथि छलफल

स्थानीय

गृहपृष्ठ
स्थानीय
खजुरामा सामाजिक परीक्षणको प्रारम्भिक प्रतिबेदनमाथि छलफल

खजुरामा सामाजिक परीक्षणको प्रारम्भिक प्रतिबेदनमाथि छलफल

शुक्रबार, जेठ ४, २०८१ बागेश्वरी पोस्ट

नेपालगञ्ज । खजुरा गाउँपालिका बाँकको आर्थिक बर्ष २०७९/०८० को सामाजिक परीक्षण कार्यक्रम अन्तरगत प्रारम्भिक प्रतिबेदन प्रस्तुतिकरण तथा छलफल सम्पन्न भएको छ ।

खजुरा गाउँपालिकाको सहयोग तथा बास नेपालको सहजीकरणमा आज भएको कार्यक्रममा बोल्दै गाउँपालिका अध्यक्ष डम्बर बिकले कार्य सम्पादनको क्रममा देखिएका समस्याहरुलाई समाधान गर्दै जिम्मेवारीका साथ उत्कृष्ट कार्य सम्पादन गर्न जनप्रतिनिधि र कर्मचारीहरुलाई अनुरोध गरे । सामाजिक परीक्षणको क्रममा देखिएका सुझावहरुलाई योजनासहित कार्यान्वयनमा लैजानुपर्नेमा उनको जोड थियो । बर्षेनी पालिकाको कार्य सम्पादन सुधार हुँदै आएको भन्दै खजुराको समृद्धिमा लागेको जनाए । उनले सामाजिक परीक्षण जस्ता कार्यक्रमलाई प्राथमिकीकरणमा राख्ने प्रतिबद्धता गरे ।

बासका कार्यक्रम प्रबन्धक मन भण्डारीले सञ्चालन गरेको कार्यक्रममा बास नेपालका निर्देशक तथा सामाजिक परीक्षक हेमराज भट्टले सामाजिक परीक्षण, प्रक्रिया, खजुरा गाउँपालिकाले आर्थिक बर्ष २०७९/०८० मा गरेका कार्यहरु, जनप्रतिनिधि तथा कर्मचारीहरुसँगको छलफल, लक्षित समूह छलफल, सन्दर्भ सामग्री अध्ययन, स्थलगत अवलोकन लगायतबाट प्राप्त तथ्यसँगै गाउँपालिकाको राम्रा पक्षहरु, सुधार गर्नुपर्ने पक्ष, समस्या, चुनौतीका बिषयमा प्रारम्भिक प्रतिबेदन प्रस्तुतिकरण गरेका थिए । प्रस्तुतिकरण पश्चात खुल्ला छलफलको क्रममा वडा अध्यक्षहरु, प्रमुख प्रशासकीय अधिकृत, कार्यपालिका सदस्य र शाखा प्रमुखहरुले बोलेका थिए ।

सामाजिक परीक्षण कार्यक्रम अन्तरगत भएको छलफलको क्रममा प्राप्त सुझावलाई समाबेश गरी खजुरा गाउँपालिकाको आर्थिक बर्ष २०७९/०८० को सामाजिक परीक्षण अन्तिम प्रतिबेदन सहजीकरण गर्ने संस्थाका तर्फबाट बास नेपालले पेश गरिनेछ । कार्यक्रमको समापन गाउँपालिका अध्यक्ष डम्बर बिकले गरेका थिए ।

प्रकाशित मिति: शुक्रबार, जेठ ४, २०८१ २१:३६

प्रतिक्रिया दिनुहोस्