बाँकेमा चट्याङ लागेर एक महिलाको मृत्यु

स्थानीय

गृहपृष्ठ
स्थानीय
बाँकेमा चट्याङ लागेर एक महिलाको मृत्यु

बाँकेमा चट्याङ लागेर एक महिलाको मृत्यु

आइतबार, जेठ १३, २०८१ बागेश्वरी पोस्ट

नेपालगञ्ज । बाँकको राप्तीसोनारीमा चट्याङ लागेर एक जना महिलाको मृत्यु भएको छ । सोही घटनामा तीन जना महिला घाइते भएको जिल्ला प्रहरी बाँकेले जनाएको छ ।

गाउँपालिकाको वडा नम्बर ८ स्थित खल्ला गाउँकी ४० बर्षीया पुतला खत्रीकोे आज अपरान्ह साढे ४ बजेतिर परेको चट्याङबाट घटनास्थलमै मृत्यु भएको बाँके प्रहरीले जानकारी दिएको छ ।

आफ्नो गाउँदेखि अन्दाजी एक किलोमिटर उत्तरतर्फ रहेको घण्टेश्वरी सामुदायिक वनमा बाख्रा चराउन गएको अवस्थामा हावाहुरी र पानीसहित परेको चट्याङबाट सोही ठाउँका ४२ बर्षकी देबा घर्ती, ३६ बर्षकी लिला खत्री र २६ बर्षकी कलसी बुढा पनि घाइते भएको बाँके प्रहरीले जनाएको छ ।

घाइते महिलाहरुको अस्पतालमा उपचार भइरहेको प्रहरीले जानकारी दिएको छ भने चट्याङ लागेर तीन वटा बाख्रा पनि मरेको जिल्ला प्रहरी बाँकेले जनाएको छ ।

प्रकाशित मिति: आइतबार, जेठ १३, २०८१ १९:३६

प्रतिक्रिया दिनुहोस्