जानकीमा मानव अधिकार र मौलिक हक सम्वन्धि अभिमुखीकरण

स्थानीय

गृहपृष्ठ
स्थानीय
जानकीमा मानव अधिकार र मौलिक हक सम्वन्धि अभिमुखीकरण

जानकीमा मानव अधिकार र मौलिक हक सम्वन्धि अभिमुखीकरण

सोमबार, जेठ १४, २०८१ बागेश्वरी पोस्ट

नेपालगञ्ज । मानव अधिकार र मौलिक हक सम्वन्धि एक दिने अभिमुखीकरण कार्यक्रम जानकी गाउँपालिकामा सम्पन्न भएको छ । । मानव अधिकार समूह जानकी गाउँपालिका बाँकेको आयोजना र जानकी गाउँपालिका बाँकेको सहयोगमा आज मानव अधिकार र मौलिक हक सम्वन्धि कार्यक्रम सम्पन्न भएको हो ।

कार्यक्रममा बोल्दै गाउँपालिकाका अध्यक्ष छब्बन खाँले सबैले आफ्नो अधिकार प्रयोग गर्नुपर्नेमा जोड दिए । गाउँ समाजमा अहिले पनि छुवाछुत विद्यमान रहेको भन्दै उनले त्यसलाई जरैदेखि हटाउनुपर्ने धारणा व्यक्त गरे । गाउँपालिकाका प्रमुख प्रशासकीय अधिकृत दिल बहादुर पौडेलले गाउँपालिकाबाट प्राप्त कार्यक्रमलाई वडा वडासम्म पुर्याई मानव अधिकार के हो र मानव अधिकार किन आवश्यक छ भन्ने कुराको जनचेतना जगाउने, अभिमुखीकरण गर्ने काम भइरहेको भन्दै धन्यवाद ब्यक्त गरे । उनले वडा वडामा गएर प्रशिक्षण गर्ने काम गरिदिएकोमा मानव अधिकार समूहप्रति आभार ब्यक्त गरे ।

जानकी गाउँपालिकाको मानव अधिकार समूहका अध्यक्ष मो. जाहिर शेषको अध्यक्षतामा भएको कार्यक्रम जागेश्वर यादवले सञ्चालन गरेका थिए । कार्यक्रममा सामाजिक विकास समितिका संयोजक राम आचल धोवी, वडा सदस्य कमला यादव, इन्सेक जिल्लाका प्रतिनिधि ध्रुबराज शर्मा लगायत स्थानीयहरुको उपस्थिति रहेको थियो भने सहजकर्ता सरस्वती मल्ल र टेकराज आचार्यले सहजीकरण गरेका थिए ।

प्रकाशित मिति: सोमबार, जेठ १४, २०८१ २२:१८

प्रतिक्रिया दिनुहोस्