बैजनाथमा मेलमिलापकर्ताको क्षमता अभिवृद्धिका लागि पुनर्ताजकी तालिम

स्थानीय

गृहपृष्ठ
स्थानीय
बैजनाथमा मेलमिलापकर्ताको क्षमता अभिवृद्धिका लागि पुनर्ताजकी तालिम

बैजनाथमा मेलमिलापकर्ताको क्षमता अभिवृद्धिका लागि पुनर्ताजकी तालिम

बुधबार, जेठ १६, २०८१ बागेश्वरी पोस्ट

नेपालगञ्ज । बैजनाथका मेलमिलापकर्ताहरुको क्षमता अभिवृद्धिका लागि पुनर्ताजकी तालिम सम्पन्न भएको छ । बैजनाथ गाउँपालिकाको आयोजनामा न्यायिक समितिमा सूचीकृत मेलमिलापकर्ताहरुको लागि दोस्रो चरण अन्तर्गत वडा नंम्बर ५, ६, ७ र ८ का मेलमिलाप कर्ताहरुको क्षमता अभिवृद्धिका लागि १४ गतेदेखि सञ्चालन भएको तालिम आज सम्पन्न भएको छ ।

४२ जना मेलमिलापकर्ताहरु सहभागी भएको उक्त तालिममा मेलमिलापकर्ताहरुले हालसम्म गर्दै आएका अभ्यास तथा सिकाईहरु तथा न्यायिक समितिमार्फत हुने न्याय सम्पादनको विश्वासनियता र कानुनी अभ्यासका बारे सहभागीहरुमा सिकाई आदान प्रदानमार्फत तालिमका सहभागीहरुलाई सहजीकरण गरिएको थियो ।

कार्यक्रमको समापनमा बोल्दै गाउँपालिका उपाध्यक्ष एवम् न्यायिक समिति संयोजक निर्मला रोकायले मेलमिलापकर्ताहरुले पुनर्ताजकी तालिमबाट सिकेको ज्ञान तथा सीपलाई समुदायमा हुने विवाद तथा समस्या समाधानका लागि उपयोगी हुने र यसका लागि हरेक मेलमिलापकर्ताहरुले वडा स्तरमा निष्पक्ष, तटस्थरुपमा दुबै पक्षलाई न्याय दिने तरिकाले सक्रियतापूर्वक भूमिका निर्वाह गर्ने कुरामा न्यायिक समिति विश्वस्त रहेको बताइन् ।

समापन कार्यक्रममा बैजनाथ गाउँपालिकाका प्रमुख प्रशासकीय अधिकृत विश्वराज ढकाल, न्यायिक समितिका सदस्यहरु दिप बहादुर थापा, विमला सिंह थारु उपस्थित रहनुका साथै अधिवक्ताहरु भानुभक्त रिजाल र कपिलदेव शर्माले ३ दिनसम्म सञ्चालित उक्त तालिममा सहजीकरण गरेका थिए । साथै पहिलो चरणको तालिम अन्तर्गत जेठ ११ देखि १३ गतेसम्म वडा नम्बर १, २, ३ र ४ का सूचीकृत मेलमिलापकर्ताहरुको बैजनाथ-१ मा सम्पन्न भएको थियो ।

प्रकाशित मिति: बुधबार, जेठ १६, २०८१ २२:३०

प्रतिक्रिया दिनुहोस्