अपाङ्गता भएकालाई खाद्यान्न सामग्री वितरण

स्थानीय

गृहपृष्ठ
स्थानीय
अपाङ्गता भएकालाई खाद्यान्न सामग्री वितरण

अपाङ्गता भएकालाई खाद्यान्न सामग्री वितरण

बिहीबार, असार ६, २०८१ बागेश्वरी पोस्ट

नेपालगञ्ज । नेपालगञ्ज उपमहानगरपालिका ६ नम्बर वडा कार्यालयले अपाङ्गता भएकाहरुलाई खाद्यान्न सामग्री वितरण गरेको छ । वडा नम्बर ६ मा रहेका २८ जना अपाङ्गता भएकाहरुलाई आज एक कार्यक्रमका बीच राहत स्वरुप खाद्यान्न सामग्री वितरण गरिएको हो ।

२८ जनामा ९ जना रातो कार्ड र १९ जना निलो कार्ड लिएका अपाङ्गता भएकाहरुलाई खाद्यान्न सामग्री वितरण गरिएको वडा अध्यक्ष समिरप्रताप सिंहले बताए । उनले अपाङ्गता तथा फरक क्षमता भएकाहरुको आर्थिक अवस्था निकै कमजोर भएकाले यो खाद्यान्नले केही दिनका लागि भए पनि सहयोग पुग्ने विश्वास व्यक्त गरे ।

खाद्यान्न वितरण गर्दै वडा अध्यक्ष सिंहले अपाङ्गता भएकाहरुलाई सुरुदेखि नै व्हील चियर लगायतका सामग्री तथा खाद्यान्न वितरण गर्दै आएको जनाउँदै उनीहरुलाई आगामी दिनमा थप सहयोगका लागि पहल गर्ने बताए । उनीहरुलाई चामल २५ किलो, दाल साढे दुई किलो, नुन १ पोका, खाने तेल १ पोकाको प्याकेजसहित वितरण गरिएको वडा सचिव मदन रावतले बताए । खाद्यान्न सामग्री वितरण कार्यक्रममा कार्यपालिका सदस्य संगिता रेग्मी, वडा सदस्य जमालुद्दिन वागवान र भुमि दामिनी लगायतको उपस्थिति रहेको थियो ।

वडा कार्यालयले अपाङ्गता भएकाहरुका लागि क्षमता अभिबृद्धि, व्हील चियर लगायतका सामग्री र खाद्यान्न वितरण गर्दै आएको जनाएको छ ।

प्रकाशित मिति: बिहीबार, असार ६, २०८१ १९:०१

प्रतिक्रिया दिनुहोस्