नेपालगञ्ज उपमहानगरपालिका वडा नम्बर १० को वडा भेला सम्पन्न

स्थानीय

गृहपृष्ठ
स्थानीय
नेपालगञ्ज उपमहानगरपालिका वडा नम्बर १० को वडा भेला सम्पन्न

नेपालगञ्ज उपमहानगरपालिका वडा नम्बर १० को वडा भेला सम्पन्न

शुक्रबार, असार ७, २०८१ बागेश्वरी पोस्ट

नेपालगञ्ज । नेपालगञ्ज उपमहानगरपालिका वडा नम्बर १० को वार्षिक योजना तर्जुमा एवं वडा भेला आज सम्पन्न भएको छ । आर्थिक वर्ष ०८१/०८२ को लागि प्रस्तावित योजना, कार्यक्रम संकलनका लागि गरिएको भेलामा सार्वजनिक सनुवाई एवं वार्षिक प्रगति समिक्षा पनि गरिएको थियो ।

वडा सचिव शान्ता घर्तीले नेपालगञ्ज उपमहानगरपालिका वडा नम्बर १० मा १ करोड ५ लाख ५० हजारको बजेट सिलिङ नेपालगञ्ज उपमहानगरपालिकाबाट प्राप्त भएको जानकारी गराइन् । उनले आर्थिक वर्ष २०८०।०८१ मा सम्पन्न भएका समग्र योजना र आगामी कार्यक्रम तथा योजनाबारे पनि प्रकाश पारेकी थिइन् ।

भेलाको उद्घाटन गर्दै पर्व प्राध्यापक एवं जेष्ठ नागरिक जनार्दन आचार्यले वडाको विकासको लागि अरुको मुख मात्रै ताक्ने प्रबृत्ति त्याग्नुपर्ने भन्दै सामूहिक हातेमालो गर्न आह्वान गरे । नेपालगञ्ज उपमहानगरपालिका वडा नम्बर १० का अध्यक्ष श्रवण कुमार श्रेष्ठले वजेट कम तर अपेक्षा धेरै भएकाले अनेकन चुनौती रहेको बताए । उनले स्थानीय माग र आवश्यकता अनुसार नै योजनाका काम सम्पन्न गर्ने विश्वास पनि दिलाए । वडा सदस्य विना थापा मगरले स्वागत मन्तव्य व्यक्त गरेको कार्यक्रममा वडा सदस्य दिपेन्द्र श्रेष्ठले सहभागीका तर्फबाट उठाइएका जिज्ञासा हल गर्ने प्रयास गरेका थिए । वडा नम्बर १० जेष्ठ नागरिक मञ्चका अध्यक्ष केदार प्रसाद घिमिरे, एमाले वडा नम्बर १० अध्यक्ष वेवी मण्डल लगायतले शुभकामना मन्तव्य व्यक्त गरेका थिए । आर्थिक वर्ष २०८१।०८२ को लागि वडा भित्रका टोल विकास संस्था, विद्यालय, क्लव, विभिन्न संघसंस्था र वडाबासीहरुले आफ्नो योजना लिखित तथा मौखिकरुपमा पेश गरेका थिए ।

भेलामा बिशेषतः सडक निर्माण, ग्रावेल, सरसफाई, नाला व्यवस्थापन, शिक्षा, स्वास्थ्य, वत्ती, खानेपानी, लक्षित वर्गका लागि व्यवसायिक दक्षता सम्वन्धि तालिम आदि विषयलाई प्राथमिकतामा राख्न माग गरिएको छ । कार्यक्रममा वडा सदस्यहरू, जेष्ठ नागरिक, बालबालिका, समाजसेवी लगायतको सहभागिता रहेको थियो ।

प्रकाशित मिति: शुक्रबार, असार ७, २०८१ २१:५९

प्रतिक्रिया दिनुहोस्