नेपालगञ्ज वडा नम्बर ९ को सुधार र सरसफाईमा जुट्दै स्थानीय

स्थानीय

गृहपृष्ठ
स्थानीय
नेपालगञ्ज वडा नम्बर ९ को सुधार र सरसफाईमा जुट्दै स्थानीय

नेपालगञ्ज वडा नम्बर ९ को सुधार र सरसफाईमा जुट्दै स्थानीय

शनिबार, असार ८, २०८१ बागेश्वरी पोस्ट

नेपालगञ्ज । नेपालगञ्ज उपमहानगरपालिका वडा नम्बर ९ शान्तिनगरको सामाजिक विकासमा स्थानीयहरु सक्रिय भएका छन् । त्यहाँका स्थानीयहरुले शान्तिनगर टोल सुधार तथा सरसफाई अभियान गठन गरेर सामाजिक विकासमा आफ्नो सक्रियता बढाएका हुन् । स्थानीयहरुले अभियान अन्तर्गत मूलतः सरसफाईलाई मुख्य प्राथमिकतामा राखेर टोलको सामाजिक विकासमा समेत योगदान पुर्याउँदै आएको स्थानीय देबेन्द्रराज न्यौपानेले बताए ।

सोही अभियान अन्तर्गत प्रत्येक हप्ताको शनिवार र सार्वजनिक विदाका दिन टोलको सरसफाई र सुधार सम्बन्धि अन्य गतिविधिमा युवा, महिला तथा जेष्ठ नागरिकहरुको सहभागिता हुने गरेको छ । यसैक्रममा आज स्थानीय देबेन्द्रराज न्यौपानेको घरदेखि उदयपुर जाने चोकसम्म सरसफाई गरिएको छ । सरसफाईमा बाहिरी सानो नाला र सडकको फोहर व्यवस्था गर्ने गरिएको छ । अभियानका लागि वडा नम्बर ९ को कार्यालयले सरसफाईमा आवश्यक पर्ने सामग्री उपलव्ध गराउँदै आएको बताइएको छ ।

प्रकाशित मिति: शनिबार, असार ८, २०८१ २१:५७