जानकी गाउँपालिकामा जेष्ठ नागरिकलाई सम्मान

स्थानीय

गृहपृष्ठ
स्थानीय
जानकी गाउँपालिकामा जेष्ठ नागरिकलाई सम्मान

जानकी गाउँपालिकामा जेष्ठ नागरिकलाई सम्मान

आइतबार, असार ९, २०८१ बागेश्वरी पोस्ट

जानकी (बाँके) । जानकी गाउँपालिकामा जेष्ठ नागरिकहरुलाई सम्मान गरिएको छ । महिला बालबालिका तथा जेष्ठ नागरिक शाखाको आयोजनामा १ सय ५० जना जेष्ठ नागरिकहरुलाई गर्मीयाममा घामपानीबाट बच्न र विजुली नभएको खण्डमा रातीको समयमा सहज होेस् भन्ने उद्देश्यले टर्चलाइटसहित खादा लगाई सम्मान गरिएको हो ।

गाउँपालिकाले आफूहरुलाई छाता, टर्चलाइट प्रदान गर्नुका साथै खादा लगाई सम्मान गरेकोमा वडा नम्बर २ भैयापुरका जितराम सुनार र वडा नम्बर ४ का हरिदेबी सुनारले खुशी व्यक्त गरेका छन् । घामपानीबाट बचाउनका लागि र अँध्यारोमा हिँड्न सहज होस् भनेर टर्चलाइट दिई जेष्ठ नागरिकहरुलाई सम्मान गरिएको गाउँपालिका अध्यक्ष छब्बन खाँले बताए । अध्यक्ष खाँले जेष्ठ नागरिकलाई सम्मान गर्दै आगामी दिनमा पनि थप कार्यक्रम र वजेटको व्यवस्था गरिने प्रतिबद्धता व्यक्त गरे ।

सामाजिक विकास समितिका संयोजक रामआचल धोवीको अध्यक्षतामा भएको कार्यक्रम महिला बालबालिका तथा जेष्ठ नागरिक शाखाकी प्रमुख कल्पना गाहाले सञ्चालन गरेकी थिइन् । कार्यक्रममा २ देखि ६ नम्वर वडाका जेष्ठ नागरिकहरुलाई सम्मान गरिएको थियो ।

प्रकाशित मिति: आइतबार, असार ९, २०८१ २०:०४

प्रतिक्रिया दिनुहोस्