दुई दिनका लागि एआइजी बन्दै पोषराज पोखरेल

सुरक्षा-अपराध

गृहपृष्ठ
सुरक्षा-अपराध
दुई दिनका लागि एआइजी बन्दै पोषराज पोखरेल

दुई दिनका लागि एआइजी बन्दै पोषराज पोखरेल

सोमबार, असार १०, २०८१ बागेश्वरी पोस्ट

काठमाडौं । सरकारले नेपाल प्रहरीका प्रहरी नायब महानिरीक्षक (डीआइजी) पोषराज पोखरेललाई दुई दिन प्रहरी अतिरिक्त महानिरीक्षक (एआइजी) बनाउन लागेको छ ।

प्रहरी प्रधान कार्यालय महिला बालबालिका तथा जेष्ठ नागरिक सेवा निर्देशनालयमा दरबन्दी रही हाल उपत्यका ट्राफिक प्रहरी कार्यालयमा प्रमुखको रुपमा कार्यरत डीआइजी पोखरेललाई असार १८ गते ५६ वर्षे उमेर हदका कारण अनिवार्य अवकाश जान लागेका एआइजी उमेशराज जोशीको स्थानमा एआईजी बनाउन लागिएको हो ।

हुन त पोखरेल पनि यही असार २० गते रातिदेखि ५६ वर्षे उमेर हदका कारण अनिवार्य अवकाश जाँदैछन् । डीआइजी पोखरेल असार १८ गते एआइजी बनेपछि २० असारसम्म दुई दिने एआइजी बनेर अवकाश जानेछन् ।

आज बिहान बसेको गृह मन्त्रालयको बढुवा समितिको बैठकले पोखरेललाई एआइजी बढुवाका लागि सिफारिस गरिसकेको छ ।

प्रकाशित मिति: सोमबार, असार १०, २०८१ १२:०८

प्रतिक्रिया दिनुहोस्