वडा स्तरमा विपद व्यवस्थापन तयारी तथा योजनाबारे छलफल

स्थानीय

गृहपृष्ठ
स्थानीय
वडा स्तरमा विपद व्यवस्थापन तयारी तथा योजनाबारे छलफल

वडा स्तरमा विपद व्यवस्थापन तयारी तथा योजनाबारे छलफल

बुधबार, असार १२, २०८१ बागेश्वरी पोस्ट

नेपालगञ्ज । विपद व्यवस्थापन तयारी तथा योजनाबारे आज नेपालगञ्जमा छलफल गरिएको छ । नेपालगञ्ज उपमहानगरपालिकाका २३ वटै वडाका वडा सचिव तथा प्रतिनिधिहरुको उपस्थितिमा वडा स्तरमा विपद व्यवस्थापनका लागि गरिएका तयारी तथा योजनाबारे छलफल गरिएको हो । नेपालगञ्ज उपमहानगरपालिकामा सञ्चालित सहरी विपद तथा भूकम्पीय पूर्व तयारी परियोजना (सुपर) को आयोजनामा कार्यक्रम गरिएको हो ।

त्यसक्रममा नेपालगञ्ज उपमहानगरपालिकाका विपद फोकल पर्सन प्रकाश डिसी तथा युनिसेफका शंकर पौडेल र नरेश निदालले प्रस्तुतिकरण गरेका थिए । विपद समिति संयोजक समिर प्रताप सिंहको अध्यक्षतामा सम्पन्न छलफलमा प्रशासन अधिकृृत इन्द्र केसी, सुपरका सुवास ज्ञवाली, आपतकालीन कार्य सञ्चालन केन्द्रका सूचना व्यवस्थापन अधिकृत रुपन ज्ञवाली लगायतको उपस्थिति थियो ।

युरोपियन युनियनको आर्थिक सहयोग तथा युएनडिपी, युनिसेफ र युएन ओमनको साझेदारी तथा नेपाल रेडक्रस सोसाइटी बाँके शाखाको प्राविधिक सहयोगमा नेपालगञ्ज उपमहानगरपालिकामा सुपरले भूकम्पीय जोखिम न्यूनीकरणका लागि काम गरिरहेको छ ।

प्रकाशित मिति: बुधबार, असार १२, २०८१ २२:१९

प्रतिक्रिया दिनुहोस्