बलात्कारको आरोप लागेकालाई पक्राउ गर्न गएको थियो प्रहरी, घरमा भेटायो बन्दुक

सुरक्षा-अपराध

गृहपृष्ठ
सुरक्षा-अपराध
बलात्कारको आरोप लागेकालाई पक्राउ गर्न गएको थियो प्रहरी, घरमा भेटायो बन्दुक

बलात्कारको आरोप लागेकालाई पक्राउ गर्न गएको थियो प्रहरी, घरमा भेटायो बन्दुक

शनिबार, असार २२, २०८१ बागेश्वरी पोस्ट

सल्यान । सल्यानमा बलात्कार आरोप लागेका एक व्यक्तिलाई पक्राउ गर्न गएको प्रहरीले बन्दुक बरामद गरेको छ ।

त्रिवेणी गाउँपालिका-३ टाटकेका ४२ वर्षीय टोपबहादुर वलीलाई पक्राउ गर्न गएको सल्यान प्रहरीले उनको घरबाट उनलाई नियन्त्रणमा लिँदै बन्दुक समेत बरामद गरेको जनाएको छ ।

वलीले असार १९ गते राति ४३ वर्षीया एक महिलाको घरमा गएर कोही नभएको मौकामा बलात्कार गरेको जाहेरी परेपछि उनलाई पक्राउ गरिएको सल्यान प्रहरीले जानकारी दिएको छ । घटना हुँदा महिलाका श्रीमान बाहिर रहेको प्रहरीले जानकारी दिएको छ ।

बलात्कार भएको भोलिपल्टै असार २० गते महिलाले इलाका प्रहरी कार्यालय लुहाममा वलीविरुद्ध दिएको बलात्कारको जाहेरीका आधारमा पक्राउ गर्न गएको प्रहरीले घरमा खानतलासी गर्दा भरुवा बन्दुक बरामद गरेको हो ।

सल्यान प्रहरीले पक्राउ परेका वलीसंग दुबै मुद्दामा थप अनुसन्धान भइरहेको जनाएको छ ।

प्रकाशित मिति: शनिबार, असार २२, २०८१ ११:०३