युरोकपमा इंल्याण्ड र कोपा अमेरिका कपको फाइनलमा कोलम्बिया

खेलकुद

गृहपृष्ठ
खेलकुद
युरोकपमा इंल्याण्ड र कोपा अमेरिका कपको फाइनलमा कोलम्बिया

युरोकपमा इंल्याण्ड र कोपा अमेरिका कपको फाइनलमा कोलम्बिया

बिहीबार, असार २७, २०८१ बागेश्वरी पोस्ट

काठमाडौं । जर्मनीमा जारी युरोकपको सेमिफाइनलमा नेदरल्यान्ड्स इंल्याण्डसँँग पराजित भएको छ । गएराति भएको अन्तिम सेमिफाइनलमा नेदरल्यान्ड्सलाई २-१ गोलले पराजित गर्दै इंल्याण्ड फाइनलमा पुगेको हो ।

नेदरल्यान्ड्सका जावी सिमोन्सले खेलको ७औं मिनेटमा डिबक्स बाहिरबाट गरेको प्रहार गोलमा परिणत भएको थियो । तर, १८औं मिनेटमा ह्यारी केनले गोल गर्दै खेल बराबरीमा फर्काए । दोस्रो हाफको इन्ज्युरी समयको पहिलो मिनेटमा ओली वाटकिन्सले गोल गर्दै इङ्गल्यान्डलाई जित दिलाए ।

जितसँगै फाइनलमा इङ्गल्यान्डले उपाधिको लागि स्पेनविरुद्ध खेल्नेछ ।

त्यस्तै जारी कोपा अमेरिका कपको सेमिफाइनलमा उरुग्वेलाई १-० गोलले हराउँदै कोलम्बिया फाइनलमा पुगेको छ ।

कोलम्बियाका जेफरसन लेर्माले खेलको ३९औं मिनेटमा गरेको गोल नै निर्णायक हुँदै कोलम्बिया फाइनलमा पुगेको हो ।

समूह 'डी' मा रहेको कोलम्बियाले ब्राजिलसँँग बराबरी खेल्दै कोस्टारिका र पराग्वेलाई पराजित गर्दै दोस्रो चरणमा पुगेको थियो ।

अब फाइनलमा कोलम्बियाले बलियो अर्जेन्टिनासँँग खेल्नेछ ।

प्रकाशित मिति: बिहीबार, असार २७, २०८१ ०८:५७

प्रतिक्रिया दिनुहोस्