बेल्जियमको ब्रुजमा नेपालीको भेला

विश्व

गृहपृष्ठ
विश्व
बेल्जियमको ब्रुजमा नेपालीको भेला

बेल्जियमको ब्रुजमा नेपालीको भेला

शुक्रबार, साउन ४, २०८१ बागेश्वरी पोस्ट

ब्रुज–बेल्जियम । एभरेष्ट नेपाली समाज बेल्जियमले पर्यटकीय नगरी ब्रुजमा समर बारबेक्यु कार्यक्रम आयोजना गरेको छ ।

समाजका अध्यक्ष शिब तिमिल्सिनाका अनुसार ब्रुज क्षेत्रमा बस्ने प्रवासी नेपालीहरु संख्यात्मकरुपले दिन प्रतिदिन बढ्दै गएकोे अवस्थामा सबै प्रवासी नेपालीहरुबीच एक आपसमा चिनजान तथा घुलमिल गराउन संस्थाले यो कार्यक्रम आयोजना गरेको बताए ।

अध्यक्ष तिमिल्सिनाले समर बारबेक्यु कार्यक्रमलाई संस्थाले नेपालमा मनाइने मुख्य चाडपर्वको रुपमा लिएको हुनाले यो प्रत्येक बर्ष ब्रुजमा आयोजना गर्ने गरेको र कार्यक्रमले ससाना बालबालिका, अभिभावकहरु लगायत सिंगो नेपाली समाज बीच भेटघाट, चिनजान तथा एक आपसमा रमाइलो समेत हुने र गर्ने भएकोले यो कार्यक्रमलाई समाजले आयोजना गर्ने गरेको बताए ।

कार्यक्रममा ब्रुज लगायत यसको आसपासका क्षेत्रमा बसोबास गर्ने नेपाली भाषी, विभिन्न सामाजिक संघसंस्था तथा बिदेशी नागरिकहरुको उल्लेख्य उपस्थिति रहेको थियो ।

प्रकाशित मिति: शुक्रबार, साउन ४, २०८१ ०९:१७