नेपालगञ्ज उपमहानगरपालिकालाई अग्नी नियन्त्रक सामग्री हस्तान्तरण

स्थानीय

गृहपृष्ठ
स्थानीय
नेपालगञ्ज उपमहानगरपालिकालाई अग्नी नियन्त्रक सामग्री हस्तान्तरण

नेपालगञ्ज उपमहानगरपालिकालाई अग्नी नियन्त्रक सामग्री हस्तान्तरण

शुक्रबार, साउन १८, २०८१ बागेश्वरी पोस्ट

नेपालगञ्ज । नेपालगञ्ज उपमहानगरपालिकालाई अग्नी नियन्त्रक सामग्री हस्तान्तरण गरिएको छ । सहरी विपद् तथा भूकम्पीय पूर्व तयारी परियोजना (सुपर) ले युनिसेफको सहयोगमा नेपालगञ्ज उपमहानगरपालिकालाई अग्नी नियन्त्रक सामग्री हस्तान्तरण गरेको हो ।

नेपालगञ्ज उपमहानगरपालिकाका प्रमुख प्रशान्त विष्टलाई सुपरका लुम्बिनी संयोजक सुवास ज्ञवालीले ती सामग्री हस्तान्तरण गरेका हुन् । हस्तान्तरित सामग्री नगर प्रमुख विष्टले बारुणयन्त्र शाखा प्रमुख झइन बहादुर खड्कालाई प्रदान गरे । त्यस अवसरमा बोल्दै उनले अग्नी नियन्त्रणमा यी सामग्री अत्यन्तै सहयोगी हुने विश्वास ब्यक्त गर्दै उचित तरिकाले सदुपयोग गर्न निर्देशन समेत दिए ।

May be an image of 7 people and text

अग्नी नियन्त्रक सामग्रीहरुमा फायर सुट ३ थान (बुट, पंजा, ट्राउजर, जकेट), फायर बल ५ थान, आगो निभाउने यन्त्र १० थान (४ केजी), हेलेन गन ३ थान र फायर नजल २ थान रहेको आपतकालीन कार्यसञ्चालन केन्द्रका सूचना ब्यवस्थापन अधिकृत रुपन ज्ञवालीले बताए ।

युरोपियन युनियनको आर्थिक सहयोग तथा युएनडिपी, युनिसेफ र युएन ओमनको साझेदारी एवम् नेपाल रेडक्रस सोसाइटी बाँके शाखाको प्राविधिक सहयोगमा नेपालगञ्ज उपमहानगरपालिकामा सञ्चालित सहरी विपद् तथा भूकम्पीय पूर्व तयारी परियोजना (सुपर) ले विपद पूर्व तयारी र प्रतिकार्यका लागि काम गरिरहेको छ ।

May be an image of 6 people and text